قۇرمەتتى وتانداستار!
قازاقستاندا قوعامدى ساياسي, ەكونوميكالىق, رۋحاني جاڭعىرتۋدىڭ تۇتاستاي ستراتەگياسى ىسكە اسىرىلىپ جاتىر.
جىل باسىندا ۇسىنىلعان «پرەزيدەنتتىڭ بەس الەۋمەتتىك باستاماسى» شىن مانىندە الەۋمەتتىك جاڭعىرتۋدىڭ اۋقىمدى باعدارلاماسى بولىپ تابىلادى.
تاۋەلسىز قازاقستان ءاۋ باستان-اق الەۋمەتتىك باعدارلانعان مەملەكەت رەتىندە قۇرىلدى. بەس الەۋمەتتىك باستاما وسى باعىتتىڭ قيسىندى جالعاسى بولىپ, الەۋمەتتىك مەملەكەت تۋرالى كونستيتۋتسيالىق نورمانى جاڭا ناقتى مازمۇنمەن تولتىردى.
قولجەتىمدى تۇرعىن ۇيمەن قامتاماسىز ەتۋ, سالىقتاردى ازايتۋ, قوسىمشا ءبىلىم گرانتتارىن ءبولۋ, ستۋدەنتتەرگە ارنالعان جاتاقحانالاردى جاپپاي سالۋ, ميكروكرەديتتەۋدى كەڭەيتۋ جانە گازداندىرۋدى ودان ءارى جالعاستىرۋ – بۇل ازاماتتاردىڭ ءومىر ساپاسىنىڭ جوعارى ستاندارتتارىنا قول جەتكىزۋدى ماقسات ەتەتىن ناقتى جانە ەسەپتەلگەن شارالار.
وسى شارالار توپتاماسىنىڭ ارقاسىندا ەكونوميكالىق جانە قوعامدىق پروگرەسكە ىقپال ەتەتىن جاعدايلار جاسالادى جانە ەڭ باستىسى – اركىمنىڭ ءىس جۇزىندە الەۋمەتتىك قورعالۋى مەن تۇلعانىڭ ءوزىن ءوزى تانىتاتىنداي ەڭبەك ەتىپ, ءومىر سۇرۋىنە كەپىلدىك بەرىلەدى.
وسى ارقىلى, مەملەكەتتىڭ ازاماتتار الدىنداعى الەۋمەتتىك جاۋاپكەرشىلىگى ناقتى مانمەن تولىعا تۇسەدى.
مۇنىڭ ءبارى دە الەۋمەتتىك بىرلىك پەن قازاقستاندىق قوعامنىڭ كىرىگۋىنىڭ ناقتى ءارى پارمەندى تۇعىرى بولىپ تابىلادى.
قازاقستان حالقى اسسامبلەياسى مەملەكەت باسشىسىنىڭ الەۋمەتتىك باستامالارىن تۇتاستاي قولدايدى جانە ولاردى ءتيىمدى ىسكە اسىرۋ جونىندەگى امالداردى تالقىلاۋعا بەلسەنە اتسالىسادى.
ءبىز, بارشا قازاقستاندىقتاردى وسىعان شاقىرامىز.
ءبىز, بىرلەسىپ, جاڭا ءومىر مۇمكىندىكتەرىن, الەۋمەتتىك مەملەكەت پەن ۇلتتىق يگىلىكتىڭ جاڭا ۇلگىسىن جاسايمىز.
ءبىز, بەس الەۋمەتتىك باستامانى ىسكە اسىرۋ, بەيبىتشىلىك پەن كەلىسىمدى ودان ءارى نىعايتۋعا, ازاماتتاردىڭ ءال-اۋقاتىنىڭ ارتۋىنا, وتانىمىز – قازاقستان رەسپۋبليكاسىنىڭ وركەندەۋىنە جاردەمدەسەتىنىنە سەنىمدىمىز.
قازاقستان حالقى اسسامبلەياسىنىڭ سەسسياسى,
استانا قالاسى, 2018 جىلعى 28 ءساۋىر
