كورمەنىڭ اشىلۋ سالتاناتىندا بىرىككەن اراب امىرلىكتەرى سىرتقى ىستەر ءمينيسترى شەيح ابدۋللا بەن زايد ال-ناحايان ءسوز سويلەپ, شارانىڭ حالىقارالىق ماڭىزدىلىعىن اتاپ ءوتتى.
قازاقستاندىق باسپاگەرلەردىڭ كوپتەگەن شەتەلدەردىڭ كىتاپ سالاسى كاسىپقويلارى جينالعان الاڭدا باس قوسۋىنا قازاقستاننىڭ بىرككەن اراب امىرلىكتەرىندەگى توتەنشە جانە وكىلەتتى ەلشىسى قايرات لاما ءشارىپ مىرزانىڭ تيگىزگەن قولعابىسى زور. ويتكەنى باسپاگەرلەرىمىز ءۇشىن بۇل مول تاجىريبە جيناقتاۋعا مۇمكىندىك بەرەتىن كاسىبي الاڭ بولىپ تابىلادى.
قازاقستاندىق دەلەگاتسيا قۇرامىندا ء«داۋىر» رپبك باس ديرەكتورى س.نازارباەۆا, كوممەرتسيالىق ديرەكتورى ب.راكيشەۆا, ۇلتتىق كىتاپحانانى سىرتقى بايلانىستار جانە فراندرايزينگ توبىنىڭ جەتەكشىسى, بپكا جوبالار بويىنشا ديرەكتورى ب.قابلاش, «قازاق ەنتسيكلوپەدياسىنىڭ» ديرەكتورى ج.تويباي, اۋدارماشى پ.قايرات, «By production» ديرەكتورى م.سادۋاقاسوۆا, ت.ب. باسپاگەرلەر قاتىستى. قازاقستان ستەندىندە 200-گە جۋىق باسىلىم كورمە قاتىسۋشىلارىنىڭ نازارىنا ۇسىنىلدى. وندا كوركەم ادەبيەتتەرمەن قاتار بالالارعا ارنالعان كىتاپتار, وقۋلىقتار, قۇجاتتامالىق-دەرەكتى باسىلىمدار بار.
ەلۆيرا سەرىكقىزى,
«ەگەمەن قازاقستان»
الماتى
