بىرنەشە كۇن بۇرىن بۇكىلالەمدىك بوكس فەدەراتسياسى (IBF) گەننادي گولوۆكيننىڭ كومانداسىنا رەسمي حات جىبەرگەن, وندا بىلاي دەلىنگەن: قازاقستاندىق بوكسشى ۆانەس مارتيروسيانمەن وتەتىن كەزدەسۋدەن كەيىن, ۇيىمنىڭ بەلبەۋىنە مىندەتتى قارسىلاس سەرگەي دەرەۆيانچەنكومەن جەكپە-جەك وتكىزۋ تۋرالى كەلىسىمگە كەلۋى ءتيىس جانە 3 تامىزعا دەيىن ۋكراينالىق بوكسشىمەن جازباشا كەلىسىم جاسالۋى كەرەكتىگى ايتىلعان. ەگەر GGG بۇل حاتتى ەلەمەيتىن بولسا, ونىڭ بەلبەۋى اۆتوماتتى تۇردە ۆاكانتتى بولادى.
Vesti.kz مالىمەتىنشە, ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەننادي گولوۆكين (37-0-1, 33 كو) IBF ۇيىمىنان بەلبەۋدى قورعاۋدى كەيىنگە شەگەرۋ تۋرالى رۇقسات العان.
گولوۆكين وسى جاعدايدى دۇرىستاۋ ءۇشىن 20 مىڭ دوللار بەرگەن, ياعني بۇل قاراجات قازاقستاندىق بوكسشىنىڭ تيتۋلدى ساقتاپ قالۋى ءۇشىن بەرگەن.
بوكس ۇيىمىمەن كەلىسىم بويىنشا, گولوۆكيننىڭ كەلەسى قارسىلاسى مىندەتتى تۇردە ۋكراينالىق دەرەۆيانچەنكو بولۋى ءتيىس.
ەسكە سالايىق, مارتيروسيانعا قارسى كەزدەسۋدە گولوۆكين WBA (Super), IBO جانە WBC بەلبەۋلەرىن قورعايدى. ال IBF بۇل كەزدەسۋدى ماقۇلداماعاندىقتان, قازاقستاندىق بوكسشى بۇل بەلبەۋىن قورعامايدى. جەكپە-جەك 5 مامىر كۇنى كارسون قالاشىعىنداعى (كاليفورنيا شتاتى, اقش) StubHub Center سپورت كەشەنىندە وتەدى. بۇل كەزدەسۋدە مارتيروسيان جەكپە-جەككە ەكى اي قالعاندا دوپينگپەن ۇستالعان ساۋل "كانەلو" الۆارەستىڭ ورنىنا باسادى.
