اعا ۇرپاق وكىلدەرىنىڭ تىلەگى

جيىرما جىل ىشىندە پرەزيدەنت نۇر­سۇلتان ءابىش ۇلى نازارباەۆتىڭ     باس­شىلىعى مەن باتىرلىعىنىڭ ارقا­سىن­دا ەلىمىز قىل كوپىردەن ۋاقىتتىڭ اق داۋىل, قارا داۋىل كەزەڭىنەن امان-ەسەن ابىرويمەن ءوتتى. اتوم قارۋىنان باس تارتىپ, ونى ادامزاتتىڭ يگىلىگىنە  با­عىش­تاۋعا مۇرىندىق بولدى. بۇكىل جەر شارى ەلدەرى بالا كوڭىلدى, دانا پەيىلدى قازاق دەگەن ەل بار, قازاقستان دەگەن الىپ جەر بار, تاۋەلسىز مەملەكەت  بار ەكەنىنە كوزدەرى جەتە باستادى. كەزىندە ازيا جانە افريكا ەلدەرىمەن ىنتىماقتاستىق كوميتەتىن باسقار­عان كەزىمدە شەت ەلدە بولعانىمدا قازاق جەرىنەن ەكەنىمدى, قازاق قىزى ەكەنىمدى جەتكىزە الماي سان مۇڭايۋشى ەدىم. ءبىز­دىڭ ەل باسشىمىز ەندى كارى قۇرلىق – ەۋ­روپانىڭ قۇلدىراۋعا اينالعان ۇيى­مىن­داعى 56 ەلدەن قۇرالعان ۇيىمنىڭ باسىن بىرىكتىرىپ, سامميت وتكىزدى. ءبۇ­گىن­دە يسلام ەلدەرىنىڭ ۇيىمىندا دا سىندارلى ىستەر اتقارۋدا. ءوز ەلىمىزدە الىپ استانا ومىرگە كەلىپ, يننوۆاتسيالىق جاڭالىقتارى جاي­قا­لا تۇسۋدە. جاستارىمىزدىڭ ءجۇزى جار­قىن, قارتتارىمىزدىڭ كەلەشەككە سەنىمى مول. مىنە, وسىنىڭ ءبارى-ءبارى دە جۇگى اۋىر كەمەنى الىپ كەلە جاتقان نۇرە­كەڭ­نىڭ ارقاسىندا دەپ بىلەمىز. قاھا­ر­مان­دىق كورسەتۋ دەگەن وسىنداي-اق بولار.  قاھارماندىققا يە بولاتىن ادام وسىن­داي-اق بولار. ءبىزدىڭ ءۇيدىڭ وتاعاسى شاپاعات ءال­بازار­ ۇلى نۇرەكەڭمەن مينيسترلەر كە­ڭەسىندە   بىرگە قىزمەت جاسادى.  ەكى رەت   ول كىسىنىڭ قولىنان وردەن الدى.   نۇرەكەڭ   ورتالىق كوميتەتتىڭ ونەركا­سىپ جونىندەگى حاتشىسى بولعاندا مەن دە مينيسترلەر كەڭەسى جانىنداعى باس مۇراعات باسقارماسىنىڭ باستىعى بو­لىپ قىزمەت اتقارىپ, جاقسى قارىم-قا­تىناستا بولدىق. جينالىستاردا, باسقوسۋلاردا كەزدەسىپ تۇردىق. «قازاقستان رەسپۋبليكاسىنىڭ تۇڭ­عىش پرەزيدەنتى – ەلباسى تۋرالى» قا­زاق­ستان رەسپۋبليكاسىنىڭ كونستيتۋ­تسيا­لىق زا­ڭىنا جانە «قازاقستان رەس­پۋب­ليكاسىنىڭ مەملەكەتتىك ناگرادالا­رى تۋرالى» قا­زاقستان رەسپۋبليكاسى­نىڭ زاڭىنا تو­لىقتىرۋلار ەنگىزىپ, نۇرسۇلتان نازار­باەۆقا ايرىقشا ەرەكشەلىك بەلگىسى – «التىن جۇلدىز» بەن «وتان» وردەنى تاپ­سىرىلا وتىرىپ, «حا­لىق قاھارمانى» اتا­عىنىڭ بەرىلۋىن   مەن سياقتى انالاردىڭ, اعا ۇرپاق وكىلدەرىنىڭ  تىلەگى دەپ بىلىڭىزدەر. بيجامال رامازانوۆا, مەملەكەت جانە قوعام قايراتكەرى,  الماتى قالالىق ارداگەرلەر كەڭەسىندەگى جاستارعا پاتريوتتىق تاربيە بەرۋ جونىندەگى كوميسسيانىڭ ءتورايىمى.