ورايىن تاپقان ورىندى شەشىم

قالاي بولعاندا دا ءبىر جاتاق­حا­نادا بىرگە  جاتىپ, ءبىر ورىندا بىرگە وقىپ,  ودان كەيىندە دە تاعدىر تاعى تابىس­تىرىپ, ءبىر ورتادا  بىرگە ەڭبەك ەتكەن  ادامنىڭ جانىڭا  جاقىندىعى بولەك قوي. ال ول بۇكىل الەم مويىن­داعان ايگىلى تۇلعاعا اينالسا دا ارا­داعى كەشەگى سىيلاستىق قاتىناستى ساقتاۋدان اي­نى­ماعان ازامات بولسا, قۇرمەتىنە شەك جوقتىعى شىندىق. 50-ءشى جىلدار ايا­عىن­دا  ارقايسىمىز قازاقستاننىڭ ءار تۇكپىرىنەن الىس­تا­عى  دنەپرودزەرجينسك تەحنيكالىق ۋچي­ليششەسىندە باس قوسىپ, ماماندىق مەڭگەرىپ, تەمىرتاۋعا ورال­عاندا دا  جۇبىمىز جازىلماعان شوعىر­لى توپ مۇشەلەرى نۇرسۇلتان نازار­باەۆتىڭ  باۋىرمالدىققا, جولداستىققا ادال قاسيەتىن جاقسى ءبىلۋشى ەدىك, سوعان ءالى دە بەرىكتىگى ءتانتى ەتەدى. كىشىپەيىلدىلىك, قاراپايىمدىلىق  ۇلگىسى جۇرە­گى­مىزدى تولقىتىپ, مەرەيىمىزدى تاسى­تادى ءاردايىم. وسى كۇندەردەگى  قۋانىشتى وقي­عا­لار ءمانى  قازاقستان رەسپۋبليكاسى پارلامەنتى  سەناتى دەپۋتاتتارىنىڭ ەلبا­سىنا «حالىق قاھارمانى» اتا­عىن بەرۋگە مۇمكىندىك تۋعىزاتىن ءتيىستى زاڭدارعا تۇزەتۋ ەنگىزۋىمەن ءتىپتى مارتەبەلەنە تۇسكەندىگىن ءبىز زور ريزالىق سەزىممەن قارسى الدىق. بۇل بۇكىلحالىقتىق تىلەك ەدى. ەڭبەك جو­لىن مەتاللۋرگ مامان­دى­عىنىڭ  ەڭ اۋىرى دا قادىرلىسى گورنو­ۆويلىقتان باستاپ, سول كەزدىڭ وزىندە-اق   باتىل­دىق, قايراتتىلىق قاسيەتتەرىمەن تا­نىلعان بولاشاق پرەزيدەنتىمىزدىڭ  تاۋەلسىزدىككە قولىمىز جەتكەن شاق­تان ەل باسقارۋداعى ساليقالى, كورە­گەن سايا­ساتىنىڭ جەمىسى قازىر بارشاعا ايان.  وسى ۋاقىت ارالىعىندا نۇرسۇل­تان ءابىش­ ۇلىنا جاس مەملەكەتتى  بيىككە كوتەرۋ وڭاي بولماعانىمەن, تا­بان­دى­لىق  مەن تالاپشىلدىق   سونى جەڭدىر­گەنىنە  ءومىردىڭ ءوزى كۋا. جيىر­ما جىلدا جاڭارىپ-جاسارعان, كەلەشەگى كەمەل ەل ىرگەتاسىن قالاۋ, الەم­گە تانىتۋ  ەرەن ەڭبەك پەن ەرلىكتىڭ  ايقىن كورىنىسى ەكەنى داۋسىز. مۇنى باعالاعان سەنات شەشىمى  دۇرىس  دەپ بىلەمىز. حالقىمىزدا «ەلدى ەر تەڭەستى­رە­دى» دەگەن ءسوز بار. ەلىمىز ىرگەلى ەلدەرمەن تەڭەستى. تەڭەستىرگەن – نۇر­سۇلتان نازارباەۆ. ونداي ەرگە قانداي بيىك قۇرمەت تە لايىق. سوندىقتان «حالىق قاھار­مانى» اتاعىن بەرۋگە قولداۋ كورسەتىلۋى ابدەن ورىندى. التىنبەك  اسانوۆ, ارداگەر مەتاللۋرگ. تەمىرتاۋ.