تاريحي ادىلەتتىلىك ورناعان كۇن

جاقسى ادامدار ەلدىڭ باعى ءۇشىن تۋادى دەگەن قاعيدا بار. ارينە, بۇل – قيسىندى ءسوز. سول سەكىلدى مەملەكەت باسشىسى نۇرسۇلتان نازارباەۆ تا حالقىمىزدىڭ باعى ءۇشىن ومىرگە كەلگەن دارا دا دانا تۇلعا دەسەك, ەش قاتە­لەس­پەيتىن شىعارمىز. ەلباسى­نىڭ ازا­مات­تىق جانە كوشباسشىلىق ءبىتىم-بول­مى­سىن كوتەرىپ تۇرعان باس­­تى فاكتور – قا­راپايىمدىعى مەن كىسىلىگى دەۋ­گە بو­لا­دى. ال قارا­پاي­ىمدىلىق ۇلى­لىقتىڭ ءبىر بەلگىسى مەن نىشانى ەكەنى تاعى دا تا­لاسسىز. ەل, مەملەكەت الدىنداعى ەڭبەگى ەرەكشە بولا تۇرسا دا ەل­با­سى سول ەڭبەگىنە لايىقتى  ۇسىنى­لاتىن  قۇرمەتتەر مەن جوعارى اتاقتاردىڭ بارىنەن باس تارتىپ كەلەدى. ءتىپتى بۇل ويىن بىرنەشە رەت باق ارقىلى قازاقستاندىقتارعا شەگەلەپ ايتتى دا. ال بۇل جولى پارلامەنت سەناتى نۇرسۇلتان نازارباەۆقا ءتيىستى زاڭ­دارعا تولىقتىرۋ ەنگىزۋ ارقىلى «حالىق قاھارمانى»  اتاعىن بەرۋگە مۇمكىندىك تۋعىزىپ وتىر. ەر كەزەگى ۇشكە دەيىن دەگەندەي, بۇل جولى نۇرەكەڭنىڭ تاريحي ادىلەتتىلىك تا­لا­بىنا ساي بەرىلگەلى وتىرعان ەلى­مىز­دىڭ ەڭ جوعارى اتاعىن الۋدان باس تارتۋعا حاقى جوق دەپ بىلەمىن. مەن بۇل ارادا ەر كەزەگى ۇشكە دەيىن دەگەن حالىق اراسىندا ءجيى قولدا­نى­لاتىن تىركەستى بۇعان دەيىن دە قا­زاقستاندىقتار تاراپىنان جوعارى اتاققا ۇسىنۋ تۋرالى اڭگىمەلەر قوز­عالعان كەزدەردە پرەزيدەنتىمىز ءبىر­نەشە رەت تويتارىس بەرىپ تاس­تاۋى­نا بايلانىستى ايتىپ وتىر­مىن. «حالىق قالاسا, حان تۇيەسىن سويادى» دەمەي مە؟ بۇل جەردە پارلامەنت سەناتى  قابىلداعان زاڭدى شەشىم حالىق تىلەگىن بىلدىرەتىنى ايدان انىق. نۇرسۇلتان ءابىش ۇلىنا «حالىق قاھارمانى» اتاعىن بەرۋگە لاي­ىق­تى كريتەريلەر وتە كوپ. سونىڭ بىرەۋىنە توقتالعىم كەلەدى. بۇل – ءارتۇرلى ۇلت وكىلدەرى مەكەن ەتەتىن كوپكونفەسسيالى مەملەكەتتە ۋىز­داي ۇيىعان تىنىشتىقتىڭ ساقتا­لىپ وتىرعانى. ەل ەكونوميكاسى مەن مادەنيەتىن دامىتۋدا تاتۋ-ءتاتتى قارىم-قاتىناستاردىڭ باستى كەپىلگە اينالىپ وتىرعانى. مۇنى ەڭ الدىمەن, ەلباسىنىڭ جانقيارلىق ەڭبەگىمەن بايلانىس­تىر­عانىمىز ورىندى. بۇل ارادا نۇرەكەڭنىڭ جالاڭ ۇران تاستاۋعا مۇلدەم جانى قاس ەكەنىن دە اشىپ ايتقان ءجون. ويتكەنى, قۇرعاق سوزدەر مەن جالاڭ ۇراندار ەش ۋاقىتتا  ناتيجە بەرگەن ەمەس. كەرىسىنشە, ەلدىڭ بەرەكەتىن كەتىرەتىنى دە بار. «ءبىزدىڭ ءبارىمىز گوگولدىڭ شينەلىنەن شىققانبىز» دەپ دوستوەۆسكي ورىندى ايتقانداي, بۇگىنگى قازاق­ستان حالقى اسسامبلەياسى وكىلدەرى وزدەرىنىڭ نۇرسۇلتان ءابىش ۇلىنىڭ ءتول پەرزەنتى, بەل بالاسى ەكەنىن لايىقتى ماقتانىش ەتەدى. قىسقاسى, پارلامەنت سەناتى تاريحي ادىلەتتىلىكتى ەل نازارىنا دا, ەلباسى نازارىنا دا ۇسىنىپ وتىر. بۇل شەشىمنىڭ اياقسىز قالماي­تى­نىنا ءۇمىت ۇلكەن. باۋىرجان تۇمانوۆ, «ارتۋ» قوعامدىق بىرلەستىگىنىڭ توراعاسى. ورال.