دانالىققا ابدەن لايىق اتاق

پرەزيدەنتىمىز نۇرسۇلتان نا­زار­باەۆقا  «حالىق قاھارمانى» اتا­عىن بەرۋ تۋرالى شەشىم قا­بىل­دانعانىن ەستىپ قۋاندىم. ءتاۋ­ەلسىز جاس قازاقستان مەم­لە­كە­تىنىڭ قۇرىلۋى – نۇرسۇلتان ءابىش­­ ۇلىنىڭ ەرەن  ەڭبەگىنىڭ جەمىسى. قانشا عاسىر بوداندىقتا بول­عان ەلدى حالقىنىڭ ادال پەرزەنتى قارا نارداي  سۇيرەپ بوس­تاندىققا شىعاردى.  وسىدان 20 جىل بۇرىن تاۋەلسىزدىگىن العان قازاقستان وتە كۇردەلى جاعدايدا قالعان ەدى. جەر كولەمى بويىنشا الەمدە توعى­زىنشى ورىن الاتىن, مەندەلەەۆ كەستەسىندەگى ەن باي­لىق تۇگەل  تابىلاتىن ەلدىڭ بار ەكەنى رەسەيدىڭ كولەڭكەسىندە بايقالمايتىن. ەكونوميكالىق بايلانىستار­دىڭ ءۇزى­لۋى سەبەپتى تاۋەلسىزدىكتىڭ العاشقى جىلدارى وتە قيىن بولدى.  جوسپارلى ەكونوميكانىڭ ورنىنا بۇرىن كەزدەسپەگەن نا­رىق­تىڭ كەلۋى دە اۋىر سالماق سال­دى.   «ارتىڭ جالىن, الدىڭ مۇز, بارار ەدىڭ قاي جاققا», دەپ ۇلى اباي  ايت­قانداي, داعدارعان  كەز ەدى  سول ۋاقىت. نۇرسۇلتان نازار­باەۆتىڭ دانا ساياسا­تى­مەن ونىڭ سوڭىنان ەرگەن تۇتاس ەل جۇگى اۋماي, كەمەسى باتپاي داڭعىلعا شىقتى. نۇرسۇلتان ءابىش ۇلى الدىمەن ەلدىڭ  تىنىشتىعىنا باسا ءمان بەردى. ەل ىشىندە بەرەكە بولسا عانا,  الداعى ماق­سات­تارعا  اداسپاي جەتەتىنىمىزگە  حالىقتى سەندىرە ءبىلدى.  ەكىنشىدەن, ول تاۋەلسىز جاس مەملەكەتتىڭ دۇنيە جۇزىندەگى ازۋىن ايعا بىلەگەن  الپاۋىت ەلدەرمەن تەڭ ءدا­رە­جەدە يىق تە­ڭەستىرۋىنە, الەمگە تانى­لۋىنا بار كۇشىن جۇمسادى.  قازاق­ستانعا ينۆەستيتسيا تارتتى. ال قازىر قاندايمىز! العاش­قى ون جىلدا موينىمىزداعى قامى­تىمىزدى تاستاپ, بويى­مىز­دى تىكتەدىك. ال  سوڭعى ون جىلدا  دامۋدىڭ جولىنا تۇستىك. حا­لىق­ارالىق بەدەلدى ۇيىمدارعا  مۇشە بولدىق. ەۋروپاداعى قاۋىپسىزدىك جانە ىنتىماقتاستىق  ۇيىمىنا باسشى­لىق­تى ابىرويمەن اتقار­دىق. نۇرسۇلتان اعا­مىزدىڭ كوش­باسشىلىعىن الەمدەگى بەل­گىلى سايا­ساتكەرلەر دە  مويىنداپ وتىر. پرەزيدەنتتىڭ حالىقارالىق  بەدەلى ەلىمىزدىڭ دە ابىرويىن كوتەرىپ كەلەدى. كوشباسشىلىق – دانالىقپەن قاتار قوياتىن ۇعىم. ونشاقتى جىل­دا ارقانىڭ تورىندە توتى قۇستاي تارانىپ وسكەن استانا قا­لاسى دا  نۇرسۇلتان نازار­باەۆ­تىڭ  بولاشاقتى بولجايتىن كوش­باس­­شى­لىعىنىڭ  ناقتى كورىنىسى. نۇرسۇلتان ءابىش ۇلى – مەملەكەتتىك قىزمەتتىڭ, مەملەكەتتىك قىزمەتكەردىڭ قانداي بولۋى كەرەكتىگىن دە ناقتى  كورسەتىپ بەرگەن باسشى. وعان 2030 ستراتەگيا­سى دالەل. سول قۇجاتتا  ەلىمىزدىڭ بولاشاعى قولمەن قويعانداي اي­تىلعان جانە ول بىرتىندەپ جۇزەگە اسىپ كەلەدى. مىنە, بۇدان ارتىق قانداي كورەگەندىك كەرەك! نۇر­سۇلتان ءابىش ۇلى – ناعىز  حالىق قاھارمانى. سول لايىق اتاقتى حالقى بۇگىن قولداپ, قوشتاپ وتىر. سوعان قۋانامىز. كەنجەبەك ۋكين, قوستاناي وبلىستىق ارداگەرلەر كەڭەسىنىڭ توراعاسى.