ىرىس پەن ىنتىماق باسىندا ەلباسى تۇر

پارلامەنت سەناتىنىڭ تۇڭ­عىش پرەزيدەنتىمىز نۇرسۇلتان ءابىش ۇلى نازارباەۆقا «حالىق قاھارمانى» اتاعىن بەرۋگە باي­لانىستى زاڭدىق باستاماشىلىعى ماعان ۇلكەن وي سالدى. قاشان دا ەڭبەك, تىندىرىلعان ءىس, تۇل­عا­لار­دىڭ قىزمەتى باعالانۋعا ءتيىس. بۇل ادىلەتتىلىك بولادى. سول ءادى­لەتتىلىككە بارماساق, ول – تاريحقا قيانات. ەڭ الدىمەن پارلامەنت سەنا­تىنىڭ وسى ماسەلەنى قوزعاۋىنىڭ ءوزى حالىقتىڭ پىكىرىن ءدوپ باسىپ, ەسكەرگەندىك دەر ەدىم. نۇرەكەڭنىڭ قىزمەتىن لايىقتى باعالاۋ – حالىقتىڭ تىلەگى. ال سول ەڭبەكتى جان-جاقتى ايتىپ شىعۋدىڭ ءوزى قيىن-اق. ەگەر قىسقا قايىرىپ ايتار بولساق, مەن ونى تاۋەلسىزدىككە قولى جەتكەن قازاقستان رەسپۋب­ليكاسىنىڭ بۇگىنگى جەتكەن بيىگى دەر ەدىم. بۇل جەتىستىك تىكەلەي نۇرسۇلتان ءابىش ۇلىنىڭ اتىمەن بايلانىستى. تاۋەلسىزدىككە قول جەتكەن تۇس­تاعى ەلدىڭ جاعدايى قانداي ەدى؟ ونى بۇگىنگىمەن سالىستىرۋ ءتىپتى وعاش كورىنەدى. جۇرت ازىن-اۋلاق ايلىق پەن زەينەتاقىعا قاراپ قالعان. ءتىپتى سونىڭ ءوزى ۋاقتىلى بەرىلمەيتىن. ال ەندى سول ازىن-اۋلاق قارجىعا دۇكەندە الاتىن زات تا جوق ەدى عوي. بۇگىنگى جاستار وعان سەنبەيدى. ونى مۇمكىن ەمەستەي كورەدى. سول مۇمكىن ەمەستەي جاعدايعا نۇرسۇلتان نازارباەۆ­تىڭ باسشىلىعىمەن جەتتىك. قازىر قازاقستان رەسپۋبليكاسى دامۋ­دىڭ جارقىن جولىنا تۇسكەن, سول دامۋ قارقىنى بويىنشا الەمدەگى جەتەكشى ەلدىڭ ءبىرى. ءومىردىڭ قاي سالاسىندا دا جەت­كەن بيىگىمىز جوعارى. تالاي جارقىن مىسالدار كەلتىرۋگە بو­لادى. ول ۇزاق اڭگىمە بولار ەدى. مەن سول ءومىردىڭ ءبىر قىرىنا, ەلىمىزدى مەكەندەگەن ەتنوستاردىڭ بىرلىگىنە, ىنتىماعىنا عانا توقتالماقپىن. بۇل ءوزى اسا كۇردەلى ماسەلە. قيىندىقتى باسىمىزدان كەشپەگەن سوڭ, وعان كوپ ءمان بەرە بەرمەيمىز. وسىلاي بولۋعا تيىستىدەي كورەمىز. ال ول – ەل باسشىسىنىڭ حالىق ىنتىماعىن قالىپتاس­تى­رۋعا بايلانىستى ۇلكەن ساياساتى­نىڭ ارقاسىندا قالىپتاسقان جاعداي. اينالامىزعا, سىرتتاعى ەلدەرگە قاراساق, بۇعان ايقىن كوزىمىز جەتەدى. بۇل ەلدەردە ءبىر ۇلتتان تۇ­راتىن حالىق تا ەكىگە ءبولىنىپ, قىرقىسىپ جاتادى. ال ءارتۇرلى ۇلت وكىلدەرىنىڭ اراسىنداعى قاق­تىعىس ءجيى كەزدەسەدى. مىقتىسى السىزىنە كۇش كورسەتەدى. سونىڭ ءوزى بۇل ەلدە زاڭدىلىقتاي قابىل­دانادى. ءبىزدىڭ وتانىمىزدا 130 ۇلت پەن ۇلىستىڭ وكىلدەرى بار. راس, بىرەۋلەرى كوپتەۋ, بىرەۋلەرى از. اڭگىمە سولاردىڭ ەشقايسىسىنا قىسىم جوقتىعى عانا ەمەس-اۋ, ولارعا ۇلكەن قامقورلىق بار. بۇل قامقورلىق مادەني-رۋحاني تۇر­عىدا عانا ەمەس, ساياسي تۇرعىدا دا جۇزەگە اسىپ وتىر. سونىڭ ايشىقتى كورىنىسى – قازاقستان حالقى اسسامبلەياسى. مۇنداي قۇرىلىم العاش رەت ءبىزدىڭ ەلىمىزدە پايدا بولدى. ونىڭ اۆتورى – نۇرسۇلتان نازارباەۆ. باسقالار ءبىزدىڭ ەلىمىزدەگى حالىقتاردىڭ ىنتىماعىنا, بىرلىگىنە قىزىعا قارايدى. جەكە ۇلت وكىلدەرى عانا ەمەس, مەملەكەت, ۇكىمەت باسشىلارى دا وعان اي­رىقشا نازار اۋدارادى. ەلدە تىنىشتىق بولعانىنا جەكە ادامدار دا, باسشىلار دا مۇددەلى. ءبىزدىڭ ەلدە قالىپتاسقان جاعداي باسقالارعا ونەگە. مەن – كۇرد ۇلتىنىڭ وكىلىمىن. ونى جاسىرمايمىن. ماقتان ەتەمىن. وقىدىم, جەتىلدىم, عىلىم­نىڭ ءبىراز بيىگىنە كوتەرىلدىم. سوعان جەتۋگە ماعان ەشنارسە كەدەرگى بولعان جوق. قازاقستانداي ەلدە ءومىر سۇرگەنىمدى ماقتان تۇ­تا­مىن, ءوزىمدى باقىتتى ساناي­مىن. نۇرسۇلتان نازارباەۆتى ەلىمىزدەگى بارلىق ۇلت پەن ۇلىس وكىلدەرى قولدايدى. ويتكەنى, ول حالىق ىنتىماعىنىڭ باسىندا تۇر. ول – باعا جەتپەس ەڭبەك. پرەزيدەنتىمىزگە «حالىق قا­ھارمانى» اتاعىن بەرۋ جونىندەگى ماسەلەنىڭ كوتەرىلۋى, مۇنىڭ ءوزى­نىڭ جوعارى دەڭگەيدە تالقى­لانۋى دا نۇرەكەڭنىڭ جوعارى ادامي قاسيەتىن اڭعارتادى. بۇگىنگە دەيىن ول بۇل اتاقتان باس تارتىپ كەلدى.  ونى ازاماتتىق ەرلىك دەر ەدىم. ال بۇل جولعى ۇسىنىس پەن قا­بىلدانعان شە­شىم­نىڭ ءجونى بولەك. كنياز ميرزوەۆ, قازاقستان حالقى اسسامبلەياسى كەڭەسىنىڭ مۇشەسى, قازاقستان كۇردتەرى «باربانگ» قاۋىمداستىعىنىڭ توراعاسى. الماتى.