ساقتاندىرۋ ىسىنە جاۋاپكەرشىلىك قاجەت

«سامۇرىق-قازىنا» ۇلتتىق ءال - اۋقات قورىندا ساق­تان­دىرۋ ماسەلەسى بويىنشا كەزەكتى كەڭەس بولىپ ءوتتى. ونى «سامۇرىق-قازىنا» ۇلتتىق ءال-اۋقات قورىنىڭ باسقارۋشى ءتور­اعاسى تيمۋر ق ۇلىباەۆ جۇرگىزدى. كەڭەستە قوردىڭ ەنشىلەس ۇيىمدارى ءوز اكتيۆتەرىن ساقتاندىرۋ ماقساتىندا جىلىنا شامامەن 7,8 ملرد. تەڭگە كولەمىندە ەلەۋلى قارجى جۇمسايتىنى اتاپ ءوتىلدى. بۇل تولەم­دەردىڭ نەگىزگى بولىگى 7 ءىرى كومپانيا – «قازمۇنايگاز», «قازاقستان تەمىر جولى», «سامۇرىق-ەنەرگو», «ەير استانا», «قا­زاقتەلەكوم», «قازاتومپروم» جانە كەگوك ەنشىسىندە. جۇرگىزىلگەن تالداۋ كورسەتكەندەي, قور كومپانيالار توبى ارا­سىندا ساقتاندىرۋ ءىرى جانە سەنىمدى ساقتاندىرۋ ۇيىمدارىمەن ءجۇر­گىزىلەدى. دەگەنمەن, ساقتاندىرۋ ۇيىمدارىنا دەگەن تالاپتىڭ جوق­تى­عى, قاجەتتى باقىلاۋدىڭ بولماۋى, دەلدالدار قىزمەتىنىڭ تومەندىگى, ورىن العان كەيبىر ماڭىزدى قاتەردىڭ ساقتاندىرىلۋىنىڭ بولماۋى, قارجىلىق جاعدايى تۇراقسىز ساقتاندىرۋ كومپانيالارىندا ساقتاندىرۋدىڭ بولۋى سياقتى كەلەڭسىز دەرەكتەر دە ورىن العان. كەڭەس قورىتىندىسى بويىنشا قور باسشىسى تيمۋر ق ۇلىباەۆ ەنشىلەس كومپانيالارداعى اكتيۆتەردى ساقتاندىرۋ ءۇردىسىنىڭ ايقىن­دى­عىن قامتاماسىز ەتۋگە, قاراجات شىعىنىن باقىلاۋعا بەلسەندىلىكتى ارت­تى­رۋ­عا, سونداي-اق قىزمەت قۇنىن ارتتىرۋدىڭ بارلىق جاع­دايىن قاراستىرا وتىرىپ, شىعىن كەلتىرگەن جانە زاڭ بۇزۋشىلىققا جول بەرگەن كومپانيا قىزمەتكەرلەرىن جاۋاپكەرشىلىككە تارتۋ جونىندە تاپسىرما بەردى. «ەگەمەن-اقپارات».