ۇلتارالىق بىرلىكتى ساقتاعان باقىتتى ەلدە تۇرامىن

مىڭجىلدىقتار توعىسىندا با­­بالار اڭسارى شىندىققا اي­نالىپ, 20 جىل بۇرىن ەركىن ەل اتانىپ, ەتەك-جەڭىمىزدى تياناقتاپ, شەكارا­مىزدى تۇيىندەپ, بولا­شاققا كوز تىكتىك. وتكەن زامانداردا اتا-بابامىز ارمانداعان «قازاقتىڭ ۇلان-عايىر دالاسىنىڭ ەسىل جاعاسىنا ەل قوندىرسام, ەلىمدى-جەرىمدى ءجۇز­گە بولىنبەيتىن ەلگە اينال­دىرسام», دەگەن ارمانىن ەلباسى نۇرسۇلتان ءابىش ۇلى نازارباەۆ جان-جاققا شاشىراتپاي, 130-دان استام ۇلتتى ۇيىعان ايرانداي بىرلىگىن بەكەم ەتىپ, مەملەكەتىمىزدى بەيبىتشىلىكتە باسقارىپ وتىر. شىندىعىندا, تاۋەلسىزدىك ال­عاننان بەرى قوعامداعى بارلىق ۇلتتار مەن ۇلىستار ءدىني كەلىسىمدە, بۇزىلماس بىرلىكتە ءومىر ءسۇرىپ كەلەدى. وزگە ۇلت دەپ جاتسىنباي, ءوزىنىڭ ۇلىنداي باۋىرىنا باسقان قاسيەتتى قازاق جەرى, قادىرلى تو­پىراعى ەلىمىزدە تۇرىپ جاتقان ءاربىر وزگە ۇلت وكىلدەرى ءۇشىن وتتان دا ىستىق ەكەنى حاق. قازىرگى ۋاقىتتا قازاقستان رەسپۋبليكاسى كەمەلدى تاۋەلسىز مەملەكەتكە اينالدى. قامشىنىڭ سابىنداي قىسقا ۋاقىت ىشىندە عاسىرعا تاتىرلىق تىرلىك تىن­دىرىپ, الەمدەگى بىرلىگى جاراسقان قۋاتتى ەلگە اينالدى. تاۋەلسىزدىك –  ەلىمىزدىڭ بارلىق ازاماتتارى ءۇشىن ورنى ەرەكشە مەرەكە دەپ بىلەمىز, سەبەبى, وسىناۋ جۇرەكجاردى قۋا­نىشقا تولى كۇندە ءومىر ءسۇرىپ جاتقانىمىزعا ءاربىر قازاقستان­دىق ازامات قۋانۋى ءتيىس دەپ بىلەمىن. تاۋەلسىزدىك, ەڭ الدىمەن, قازاق حالقىنىڭ بوستاندىققا ۇمتىلعان اسقاق ارمانى مەن قايسار رۋ­حىنىڭ جەمىسى. سوندىقتان دا ءبىز ءۇشىن تاۋەلسىزدىك كۇنى – ەڭ قاستەرلى كۇن. وسى قۋانىشتى كۇنگە جەتۋ ءۇشىن تالاي قيىندىق­تاردى باستان كەشىردىك. اتا-بابامىز ارمانداپ كەتكەن تاۋەل­سىزدىگىمىزدىڭ قۇنىن ۇمىت­پايىق. تاۋەلسىز قازاقستانىمىزدىڭ تۇ­عىرى بيىكتەپ, ەگەمەندىگىمىزدىڭ ىرگەتاسى نىعايا ءتۇسسىن. عاسىرلار بويى اڭساتىپ جەتكەن تاۋەل­سىز­دىكپەن كەلگەن حالىق تىلەۋى ءماڭ­گىلىك بولىپ, ءانۇرانىمىز اۋەدە اسقاقتاپ, ەلتاڭبامىزدىڭ ەڭسەسى بيىك بولىپ, تۋىمىز كوكتە شارىقتاي بەرسىن دەمەكپىن. مەن – قازاقستان دەگەن تاماشا ەلدىڭ ازاماتىمىن. مەن ءۇشىن باسقا ەلگە, مىسالى, رەسەي جەرىنە كوشۋ ەش قيىندىققا سوقپايدى. بىراق مەن – قازاقستاندىقپىن, مەن ءوزىمدى باسقا جەردە, باسقا ەلدە ەلەستەتە المايمىن. مەن وتە باقىت­تى­مىن, ءوز وتانىمىزدا ءومىر سۇرە­مىن, ءوز جوسپارلارىم مەن ارمان­دارىم قازاقستانمەن عانا باي­لانىستى. ەلىمىزدەگى كوپۇلتتىلىق – قازاقستان­نىڭ ەرەكشەلىگى مەن ارتىق­شىلىعى. مەن ەرەكشە قۇرمەتپەن ەلىم­نىڭ تىلىنە, سالت-داستۇرلەرىنە قا­رايمىن, ءومىر جولىمدا قازاق­ستانىما دەگەن ماحابباتىم ماڭگىلىك. تاتيانا نوۆيكوۆا, «قوستاناي وبلىسى بالالار جانە جاستار ۇيىمدارى قاۋىمداستىعى» زتب توراعاسىنىڭ مىندەتىن اتقارۋشى.