اتالعان ءىس-شارا قازاقستان رەسپۋبليكاسى قورعانىس جانە اەروعارىش ونەركاسىبى مينيسترلىگىنىڭ قامقورلىعىندا وتەتىن العاشقى كورمە.
وعان وتاندىق جانە شەتەلدىك قورعانىس-ونەركاسىپ كەشەنى مەن عارىش سالاسىنىڭ كاسىپورىندارى, جەتەكشى كونسترۋكتورلىق بيۋرو مەن عىلىمي-زەرتتەۋ ينستيتۋتتارى قاتىسادى.
قازاقستاننىڭ استاناسى – استانا قالاسىنىڭ 20 جىلدىعىنا وراي «KADEX - 2018» كورمەسى جاڭا فورماتتا وتەدى.
وندا قارۋ-جاراق ۇلگىلەرىن كورسەتۋدەن بولەك, باعدارلامانىڭ ىسكەرلىك بولىمىنە دە نازار اۋدارىلادى. باعدارلامانىڭ عىلىمي-ىسكەرلىك بولىمىندە پلەنارلىق جانە سەكتسيالىق وتىرىس, كونفەرەنتسيا, «دوڭگەلەك ۇستەل» فورماتىندا بارلىق ەلدەردىڭ ماماندارى قورعانىس جانە قاۋىپسىزدىك, الەمدىك عارىش سالاسىن دامىتۋ ماسەلەلەرى توڭىرەگىندە پىكىر الماسىپ, زامانۋي كەزەڭدە كيبەرقورعانىسپەن قامتاماسىز ەتۋ سۇراقتارى تالقىلانادى.
«KADEX - 2018» كورمەسىنىڭ وزگەشە جاڭالىعى ونىڭ اۋماعىندا «قازاقستانداعى عارىش كۇندەرى» حالىقارالىق فورۋمىنىڭ وتكىزىلۋى بولماق. تۇڭعىش رەت كورمەدە وتاندىق جانە الەمدىك عارىش سالاسىنىڭ جەتىستىكتەرىنە ارنالعان جەكە پاۆيلون بولادى.
كورمەنىڭ ىسكەرلىك باعدارلاماسى اياسىندا «Cyber and Digital Security» ي «Advanced Def Tech» كونفەرەنتسيالارى وتەدى. بۇل شارالار الەمنىڭ ءتۇرلى ەلىنەن كەلگەن ماماندار مەن ەكسپەرتتەر قورعانىس ونەركاسىبى, اسكەري-تەحنيكالىق ىنتىماقتاستىق, عارىش قىزمەتى مەن اقپاراتتىق قاۋىپسىزدىك ماسەلەلەرىن تالقىلايتىن كورمەنىڭ ورتالىق ديالوگتىق اۋماعى بولماق.
كورمەنىڭ العاشقى كۇنى «KADEX - 2018» ەمبلەماسىمەن بىرگە ارنايى پوچتا مورقالىبى سوعىلعان كونۆەرتتەگى قازعارىشتىڭ 25 جىلدىعىنا ارنالعان پوچتالىق ماركانى ءوشىرۋ سالتاناتى وتەدى. كەز كەلگەن ادام ەستەلىككە كورمە اۋماعىنان ماركا مەن پوچتا مورقالىبى سوعىلعان كونۆەرتتى الا الادى.
كورمە وتكىزۋدە نەگىزگى باسىمدىق تاجىريبەلىك قۇرامداس بولىككە بەرىلدى. رەسمي شارالارمەن بىرگە ىسكەرلىك باعدارلامالاردا دا اسكەري-تەحنيكالىق ىنتىماقتاستىق, عارىش قىزمەتى مەن كيبەرقورعانىس سالالارى بويىنشا الىس-جاقىن شەتەلدەردىڭ ۇيىمدارى جانە كاسىپورىندارىمەن بىرگە بىرقاتار قۇجاتتارعا – مەموراندۋمدار مەن كەلسىمدەرگە قول قويۋ جوسپارلانۋدا.
«KADEX - 2018» كورمەسى بيزنەس وكىلدەرى, اسكەري ماقساتتاعى ونىمدەردى وندىرۋشىلەر مەن جاساۋىشىلار, بەيىندى مينيسترلىك ماماندارى مەن مەملەكەتارالىق قاتىسناستارى مەن سىرتقى ساياسي كوزقاراستارى تاۋەلسىز ءتۇرلى ەلدەر ۇيىمدارى ءۇشىن كونسترۋكتيۆتى ديالوگ الاڭى بولادى.
