«ەگەمەن قازاقستان». 1996 جىل. دۇيسەنبى, 16 جەلتوقسان.
پرەزيدەنتتىڭ ءوز قولىنان جوعارى ناگرادالار الدى
«ەگەمەن قازاقستاننىڭ» وسىدان 15 جىل بۇرىنعى, ياعني 1996 جىلدىڭ 16 جەلتوقسانىنداعى ءنومىرى جوعارىداعىداي تاقىرىپپەن اشىلىپتى. قازتاگ-تىڭ بۇل حابارىندا جەلتوقساننىڭ 15-ىندە پرەزيدەنت نۇرسۇلتان نازارباەۆ ءوز رەزيدەنتسياسىندا قازاقستاندىقتاردىڭ ءبىر توبىنا مەملەكەتتىك ناگرادالاردى تاپسىرعاندىعى, بۇل ناگرادالارعا ولاردىڭ وتانعا سىڭىرگەن ەڭبەكتەرى ءۇشىن جانە رەسپۋبليكا تاۋەلسىزدىگىنىڭ بەس جىلدىعىنا بايلانىستى يە بولعاندىعى ايتىلادى.
«وسى سالتاناتتى ءراسىمدى اشا كەلە ەلىمىزدىڭ باسشىسى ەگەمەندىكتىڭ بەس جىلى وڭايلىقپەن وتپەگەنىن ايتتى. الايدا ناگرادامەن اتاپ وتىلگەن ازاماتتاردىڭ ءبارى دە جۇرگىزىلىپ جاتقان رەفورمالارعا بەلسەندى قولداۋ كورسەتتى, مەملەكەتتى نىعايتىستى, حالىقپەن بىرگە ونىڭ ۋايىمى مەن شاتتىعىن ءبولىستى. حالىق ءارتىسى روزا باعلانوۆا, قايرات رىسقۇلبەكوۆتىڭ اناسى دامەتكەن اسانباەۆا پرەزيدەنتتىڭ قولىنان «حالىق قاھارمانىنىڭ» التىن جۇلدىزىن الدى. دامەتكەن انانىڭ ۇلىنا بۇل جوعارى ناگرادا 1986 جىلعى جەلتوقسان وقيعالارىندا رەسپۋبليكا ازاتتىعى مەن تاۋەلسىزدىگى جولىندا كورسەتكەن ازاماتتىق ەرلىگى ءۇشىن, قايتىس بولعاننان كەيىن بەرىلىپ وتىر» دەلىنىپتى.
حاباردا «وتان» وردەنى «قازاقستان جولدارى» اق پرەزيدەنتى ءشامىل بەكبولاتوۆقا, اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ باس رەجيسسەرى بايعالي دوسىمجانوۆقا, ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى ءابدۋالي حايداروۆقا تاپسىرىلعاندىعى, قر اسكەري اۋە كۇشتەرىنىڭ قولباسشىسى مۇحامەدجان ىبىراەۆقا «داڭق» وردەنى بەرىلگەندىگى ايتىلادى.
ال بەلگىلى ونەر جانە مادەنيەت قايراتكەرلەرى الىبەك دىنىشەۆ, كاۋكەن كەنجەتاەۆ, م ۇلىك سۇرتىباەۆ, اقىن لەونيد كريۆوشەكوۆ, الماتى قالاسىنىڭ اكىمى شالباي قۇلماحانوۆ, سۋرەتشى سابىر مامبەەۆ, جۋرناليست ۆالەري ميحايلوۆ, ءمۇسىنشى حاكىمجان ناۋرىزباەۆ, پارلامەنت سەناتىنىڭ دەپۋتاتى داۋلەت سەمباەۆ, سىرتقى ىستەر ءمينيسترى قاسىمجومارت توقاەۆ, ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ كافەدرا مەڭگەرۋشىسى مايا شىعاەۆا «پاراسات» وردەنىنە يە بولىپتى.
وسىنداي قۇرمەتكە رەسپۋبليكامىزدىڭ باسقا دا كوپتەگەن ازاماتتارى بولەنگەن.
بەتتى ازىرلەگەن سۇڭعات ءالىپباي.
