سىرتقى ساياسات قادامدارى

وسىنداي تاقى­رىپ­پەن سول كەزدەگى قازاقستان رەس­پۋب­لي­كاسىنىڭ سىرت­قى ىستەر ءمينيسترى قاسىمجومارت توقاەۆپەن گازەت ءتىل­شىسى مەيرامبەك تولەپبەرگەننىڭ سۇحباتى بەرىلگەن. ءتىلشىنىڭ تاۋەل­سىز­دىكتىڭ بەس جى­لىن­دا قازاقستان­نىڭ سىرتقى سايا­سا­تىنىڭ قالىپتاسۋ پروتسەسىن قالاي با­عالايتىندىعى جونىندەگى سۇراعىنا سىرتقى ىستەر ءمينيسترى: «ءبىزدىڭ سىرتقى ساياسات تاقىرىبىندا اڭگىمەمىز پرەزيدەنت نۇرسۇلتان نازارباەۆ ەلىمىزدەن الىستا, ءۇندىستان مەن اۆستراليادا ساپار شەگىپ جۇرگەن كەزدە ءوتىپ وتىر. ماعان بۇل ايرىقشا نىشان سەكىلدى سەزىلەدى. ءبىر جاعىنان الىپ قاراعاندا بۇل جاعداي ءبىزدىڭ سىرتقى بايلانىسىمىزدىڭ كەڭەيە, قازاقستاننىڭ سىرتقى ساياساتىنىڭ ۇدەي تۇسكەنىن, ءبىزدىڭ دۇنيەجۇزىلىك ارەناداعى قادامدارىمىزدىڭ سالماقتى ەكەندىگىن كورسەتەدى... بۇگىنگى كۇندەرى قازاقستان جالپى دۇنيەجۇزىلىك, سونداي-اق ايماقتىق ىستەرگە دە تىكەلەي تارتىلىپ وتىر. ەلىمىزدىڭ قاۋىپ­سىز­دىگى ماسەلەلەرى ءپرينتسيپتى جاعدايدا شەشىلدى. ءبىزدىڭ سىرتقى سايا­ساتىمىزدىڭ باستى باعىتتارى ايقىندالدى. شەتەلدەردە ديپلوما­تيا­لىق ينفراقۇرىلىم جاسالدى. قازاقستانداعى قايتا قۇرۋلار ءۇشىن سىرتقى قولايلى جاعدايلار قامتاماسىز ەتىلدى. بۇل دەگەنىمىز – وتكەن بەس جىلدىڭ باستى قورىتىندىلارى بولىپ تابىلادى. ن.ءا.نازارباەۆتىڭ ءوز ماڭىزدىلىعى جاعىنان تاريحي مىندەتتى ورىنداعانى تۋرالى اشىق ايتۋىمىز كەرەك» دەپ جاۋاپ بەرىپتى. سونداي-اق قاسىمجومارت توقاەۆ سول ۋاقىتتا قازاقستاندى الەم­نىڭ 117 مەملەكەتى تانىعاندىعىن, ولاردىڭ 106-سى مەن ديپلو­ماتيا­لىق قاتىناستار ورناتىلعاندىعىن, الەمنىڭ 28 ەلىندە قازاق­ستان­نىڭ ەلشىلىكتەرى اشىلعاندىعىن, قوسا مىندەت اتقارۋ پراكتيكاسى بويىنشا 40-تان استام ەلدە وكىلدىكتەرىمىز جۇمىس ىستەپ جات­قان­دى­عىن, الماتىدا 60-قا جۋىق شەتەل ەلشىلىكتەرى مەن حالىقارالىق ۇيىمداردىڭ ميسسياسى جۇمىس ىستەيتىندىگىن, بۇل كورسەتكىش بويىنشا قازاقستان تمد ەلدەرىنىڭ ىشىندە رەسەي مەن ۋكراينادان كەيىنگى ءۇشىنشى ورىندا تۇرعاندىعىن اتاپ كورسەتكەن. مينيستر كوپتەگەن ەلدەرمەن, وڭىرلەرمەن, حالىقارالىق  ۇيىم­دارمەن قازاقستان ورنىقتى قارىم-قاتىناس ورناتا العاندىعىن, الداعى ۋاقىتتا وسى پروتسەستى ۇدەتە بەرۋ قاجەتتىگىن ايتىپ, سىرتقى ساياساتتىڭ نەگىزگى باعىتتارىنا توقتالىپتى. تمد مەملەكەتتەرىنە قاتىستى ساياساتىمىز كەلەسى جىلدارى ەداۋىر بەلسەندى جۇرگىزىلەتىندىگىن, قازاقستاننىڭ تۇڭعىش عالامدىق سىرتقى ساياسي پروبلەمانى شەشۋى – سەمەي پوليگونىن جابۋى اقش-پەن, باسقا دا يادرولىق دەرجاۆالارمەن قارىم-قاتىناسىن جاقسارتۋعا نەگىز قالاعاندىعىن, وسى جاعداي باتىس ەلدەرىمەن قارىم-قاتىناسىن نىعايتۋعا مۇمكىندىك بەرەتىندىگىن ايتقان.