شارا اياسىندا قارجى ەسەپ-قيسابىنىڭ ءاۋديتى مەن بىرقاتار الەۋەتتى مەكەمەلەردىڭ بيۋدجەت باعدارلامالارى اكىمشىلەرىنىڭ بيۋدجەت قارجىسىن پايدالانۋداعى تيىمدىلىك ماسەلەلەرى تالقىلاندى.
كەزدەسۋدە ەسەپ كوميتەتىنىڭ مۇشەسى ءيمانجۇسىپ اقتومباەۆ نەگىزگى بايانداما جاسادى. قورعانىس ءمينيسترىنىڭ ورىنباسارى ابىلقايىر سقاقوۆ, ۇلتتىق ۇلان قولباسشىسىنىڭ ورىنباسارى جاندوس ومارقۇلوۆ, ءىىم توتەنشە جاعداي جونىندەگى كوميتەتىنىڭ توراعاسى ۆلاديمير بەككەر, ۇقك شەكارا قىزمەتى ديرەكتورىنىڭ ورىنباسارى ەرجان مىرزاباەۆ بيۋدجەتتى ورىنداۋ سالاسىنداعى احۋالدى جەتىلدىرۋ جۇمىستارى تۋرالى دەپۋتاتتاردى حاباردار ەتتى.
كەزدەسۋ بارىسىندا بيۋدجەت شىعىستارىن وڭتايلاندىرۋ, جوسپارلاۋ جانە ەسەپ جۇيەسىن جەتىلدىرۋ, قازىرگى زامانعى اقپاراتتىق جانە تسيفرلىق (ونىڭ ىشىندە «تسيفرلىق قازاقستان» باعدارلاماسى اياسىندا) تەحنولوگيانى ەنگىزۋ, قارجى ءتارتىبىن ساقتاۋ, ءتيىستى مەكەمەلەردىڭ قارجى-ەكونوميكالىق بولىگىندەگى ماماندار قۇرامىنىڭ كاسىبي دايارلىعىن ارتتىرۋ ماسەلەلەرى كوتەرىلدى.
پىكىرسايىستى قورىتىندىلاي كەلىپ سەناتور داريعا نازارباەۆا الەۋەتتى قۇرىلىمداردىڭ قارجىلاندىرۋ جاعدايى – مەملەكەتتىڭ قاۋىپسىزدىگى مەن قورعانىس قابىلەتتىلىگى ماسەلەسى ەكەنىن اتاپ ءوتتى. سەناتورلار كەزدەسۋ ناتيجەسى بويىنشا ازىرلەنگەن ناقتى ۇسىنىستاردى نازاردا ۇستايتىن بولدى.
