الجير بۇقارالىق اقپارات قۇرالدارىنىڭ حابارلاۋىنشا, بورتتاعى ادام سانى جۇزدەن اسادى. ولاردىڭ ەشقايسىسى ءتىرى قالماعان. «ال-حاداس» تەلەارناسىنىڭ ايتۋىنشا, بورتتا 200 اسكەري قىزمەتكەر بولۋى مۇمكىن. قايتىس بولعاندار تۋرالى اقپارات ناقتىلانىپ جاتىر.
يل-76 اسكەري ۇشاعى بۋفاريكتەگى اسكەري بازانىڭ اەرودرومىنان ۇشقان سوڭ الجير قالاسىنىڭ وڭتۇستىگىنەن 50 كم جەردە, بۋفاريك اۋەجايىنا جاقىن ماڭداعى بليدا اۋىل ماڭىنا قۇلاعان. قۇلاعان ۇشاق دەمدە ورتەنىپ كەتكەن. اپات جەرگىلىكتى ۋاقىت بويىنشا تاڭعى 8-دە بولعان. ۇشاقتىڭ قۇلاۋ سەبەبى ءالى بەلگىسىز.
Algérie24 اگەنتتىگىنىڭ حابارلاۋىنشا, ۇشاق مەملەكەتتىڭ سولتۇستىگىندەگى بليدا قالاسىنان وڭتۇستىك-باتىسقا بەت العان. جولاۋشىلاردىڭ كوپشىلىگى اسكەري قىزمەتكەرلەر ەكەنى حابارلانىپ جاتىر.
