زايساندىق اجەلەر ء«ان سالۋ», «حورمەن ءان سالۋ», ء«داستۇرلى ءان», «مانەرلەپ ولەڭ وقۋ», «اقىندىق ونەر», «اسپاپتا ويناۋ», «باتا بەرۋ», «قولونەر», «سۋرەتشىلىك ونەر» سىندى بولىمدەردەن تۇرعان باسەكەنىڭ «حورمەن ءان سالۋ» باعىتىندا باق سىناپ, ايگىلى كومپوزيتور ءشامشى قالداياقوۆتىڭ جانە حالىق اندەرىن اۋەلەتە شىرقاپ, توپ جارىپتى. اق جاۋلىقتى انالارىمىز ء«ان سالۋ» جانرىندا دا ورەلى ونەر كورسەتىپتى. جەكە ءان ورىنداۋدا 50-60 جاس ارالىعىنداعى قاتىسۋشىلار ىشىنەن قاراتالدىق ساقىش نۇرپەيىسوۆا, 71-80 جاس ارالىعىنداعى سايىسكەرلەر ساناتىندا باكيرا م ۇلىكوۆا باس جۇلدەنى يەلەنىپتى.
ال دۋەتپەن ءان سالۋدا ۇلبوسىن قايساقوۆا مەن بولات اقباەۆا انسامبل قورجىنىنا تاعى ءبىر باس جۇلدەنى سالىپ, وبلىسىمىزدىڭ مەرەيىن اسىرىپتى. «بيىل «جانەركە» ءانسامبلىنىڭ قۇرىلعانىنا 10 جىل تولادى. سوعان وراي وسى سايىستا باق سىناماق بولىپ, كوپ ەڭبەكتەنىپ, ۇزاق دايىندالدىق. نامىستى قولدان بەرمەۋ ءۇشىن بارىمىزدى سالدىق. ەڭبەگىمىز اقتالىپ, جەڭىس تۇعىرىنان كورىندىك. بۇل – ءبىز ءۇشىن ۇلكەن قۋانىش, ابىروي. وسى جوباعا قاتىسۋىمىزعا مۇمكىندىك جاساپ, دەمەۋشى بولعان «اقباي» شارۋا قوجالىعىنىڭ جەتەكشىسى س.ابىلعوجيناعا, كاسىپكەر جەڭىس امىرەنوۆكە, «سايحان» جشس جەتەكشىسى ۆ.دۋدنيككە, زايسان اۋداندىق ىشكى ساياسات ءبولىمىنىڭ باسشىسى ز.دۇيسەنباەۆاعا ەرەكشە العىسىمىزدى جەتكىزگىمىز كەلەدى», دەيدى «جانەركە» اجەلەر ءانسامبلىنىڭ جەتەكشىسى قاليما يساەۆا.
رەتى كەلگەندە ايتا كەتەيىك, ۇلتتىق ونەرىمىزدى ۇلىقتاۋ, داستۇرلەرىمىزدى دارىپتەۋ ماقساتىندا ۇيىمداستىرىلعان بايقاۋ بەلگىلى جۋرناليست گۇلميرا ءنالىباي مەن «مەرەكە» پروديۋسەرلىك ورتالىعىنىڭ ۇيىمداستىرۋىمەن بيىل العاش رەت وتكىزىلىپ وتىر.
ازامات قاسىم,
«ەگەمەن قازاقستان»
شىعىس قازاقستان وبلىسى,
زايسان اۋدانى
