وبلىستىق اۋماقتىق ينسپەكتسيا باسشىسى نۇرجان كاشكەنوۆتىڭ مالىمدەۋىنشە, ماروككو شەگىرتكەسىنە قارسى كۇرەس شارالارى 341 مىڭ گەكتاردا, ازيالىق شەگىرتكەگە قارسى 4,3 مىڭ گەكتاردا, يتالياندىق پرۋس شەگىرتكەسىنە قارسى 4,7 مىڭ گەكتاردا جۇرگىزىلەدى.
«بيىل ماروككو شەگىرتكەسىنە قارسى كۇرەس شارالارىنا 91 دانا جەرۇستى بۇرىككىشتەرى جۇمىلدىرىلماق. ولار 184,4 مىڭ گەكتاردى زالالسىزداندىراتىن بولادى. سونداي-اق, 6 دانا ان-2 ۇشاقتارىنىڭ كومەگىمەن 137,6 مىڭ گەكتاردا حيميالىق وڭدەۋ جۇمىستارىنىڭ جۇرگىزىلۋى جوسپارلانۋدا. وبلىستىق اۋماقتىق ينسپەكتسيا تاراپىنان وڭدەۋ جۇمىستارىنىڭ ساپالى جۇرگىزىلۋىن باقىلاۋعا, ۇيىمداستىرۋ جۇمىستارىن جۇرگىزۋگە اۋداندار بويىنشا 50 ينسپەكتور جانە 19 اۆتوكولىك بولىنەدى», – دەدى نۇرجان كاشكەنوۆ سارىعاش اۋدانى بىرلىك اۋىلدىق وكرۋگىندە وبلىس əكىمى جانسەيىت تۇيمەباەۆتىڭ توراعالىعىمەن وتكەن سەمينار كەڭەستە.
وبلىس اكىمى زيانكەستەردىڭ قاناتى قاتپاي جاتىپ, كوزىن جويماسا, بوي بەرمەي كەتۋى ابدەن مۇمكىن ەكەنىن ەسكەرتە كەلە, ارنايى قۇرىلعان شتاب جۇمىسىن جانداندىرۋدى تاپسىردى. بۇگىندە اۋدان, قالالاردا 11 شتاب قۇرىلىپ, 43 سۋ تاسىعىش تەحنيكا مەن پەستيتسيدتەردى ەرىتۋگە قاجەتتى 91 سۋ كوزدەرى جانە 12 پەستيتسيدتەردى ۋاقىتشا ساقتاۋ قويمالارى انىقتالعان. بۇدان بولەك, 15 اەرودروم ورنى بەلگىلەنىپ, 37 مىڭ 500 دانا بەلگى –قازىقتار دايىندىلىپتى.
ەركىن دوسىمباي,
وڭتۇستىك قازاقستان وبلىسى
