سونىڭ ءبىرى, ء«سىز ءوزىڭىزدىڭ كەشە قاي قوناق ۇيدە قونعانىڭىز تۋرالى ايتا الاسىز با» دەگەن سەناتور سۇراعىنا, تسۋكەربەرگ ءسال ىركىلىپ بارىپ «جوق» دەپ جاۋاپ بەردى.
ء«سىز وسى اپتادا حابارلاما جولداعان ادامنىڭ ەسىمىن اتاي الاسىز با» دەگەن سۇراققا دا ول «مەن ونى كوپشىلىك الدىندا جاريالاۋدى قالاماس ەدىم» دەپ جاۋاپ بەردى.
سەناتور دا ءوزىنىڭ بارلىق ايتقىسى كەلگەنى وسى ەكى سۇراققا سىيىپ كەتەتىنىن ايتتى.
ەستەرىڭىزگە سالا كەتەيىك, سەناتورلاردىڭ سۇراقتارىنا جاۋاپ بەرگەن تسۋكەربەرگ, Cambridge Analytica كومپانياسىڭ جيناعان Facebook الەۋمەتتىك جەلىسىنىڭ 50 ميلليون پايدالانۋشىسى تۋرالى دەرەكتەردىڭ رەسەيدە ساقتاۋلى ەكەنى تۋرالى بىلمەيتىنىن ايتتى. وسى جاعدايدى انىقتاۋ ءۇشىن Facebook كومپانياسى جىل سوڭىنا دەيىن 20 مىڭنان استام ادامدى جۇمىسقا الىپ, جەلى قولدانۋشىلاردىڭ اقپاراتتىق قاۋىپسىزدىگى ءۇشىن جۇمىس جاسايتىنىن ايتتى.
ءمادينا جالەلقىزى,
«ەگەمەن قازاقستان»
