مەملەكەتتىڭ جوعارى الەۋمەتتىك جاۋاپكەرشىلىگىن, وتباسىنا دەگەن قامقورلىقتى ارتتىرۋ, لايىقتى ءبىلىم بەرۋدى دامىتۋ جانە ۇلتتىق بىرلىكتى ساقتاۋ – باستى ۇستانىم. ەلباسى اتاپ ايتقانداي, گۇلدەنگەن قازاقستان – بۇل ەڭ الدىمەن, مەملەكەتتىڭ قورعاۋ, قولداۋىن جانە قامقورلىعىن سەزىنگەن جانە وعان پاتريوتتىق رۋحىمەن جاۋاپ بەرەتىن وزىنە سەنىمدى ادامدار. مەملەكەتتىك ساياساتتىڭ ماڭىزدى باسىمدىقتارى ەكونوميكالىق ءوسۋ قارقىنى ەمەس, حالىقتىڭ ءال-اۋقاتىن ارتتىرۋ بولىپ تابىلادى.
پرەزيدەنت اتاپ ايتقان ءبىرىنشى باستاما – ول تۇرعىن ءۇي ماسەلەسىن شەشۋ. الداعى ۋاقىتتا ءاربىر وتباسىنا تۇرعىن ءۇي ساتىپ الۋ ءۇشىن جاڭا مۇمكىندىكتەر قاراستىرىلعان. جۇمىس ىستەيتىن قازاقستاندىق ازامات جەڭىلدىكتى شارتتارمەن تەڭگەمەن يپوتەكالىق زاەم الا الادى, جىلدىق مولشەرى 7 پايىزدان اسپايتىن يپوتەكالىق نەسيە بەرىلەدى, باستاپقى جارنا 20 پايىز, مەرزىمى 25 جىل. بۇل اي سايىنعى تولەمدەردىڭ مولشەرىن بىرنەشە ەسە ازايتادى. مەملەكەت باسشىسىنىڭ ايتۋىنشا, بۇل ەكونوميكانىڭ, شاعىن جانە ورتا بيزنەستىڭ وسۋىنە, جاڭا جۇمىس ورىندارىن قۇرۋعا وڭ ىقپال ەتەدى.
ەكىنشى باستاما جالاقىسى تومەن جۇمىسشىلاردىڭ ەڭبەكاقىسىن كوبەيتۋ ماقساتىندا ولاردىڭ سالىق جۇكتەمەسىن ازايتۋدى قولداۋعا باعىتتالعان. الەۋمەتتىك ماسەلەلەردى ءوز بەتىنشە شەشۋگە مۇمكىندىكتەرى جوق ازاماتتار مەملەكەتتىك قولداۋدى قاجەت ەتەدى. كەلەسى جىلدان باستاپ ونداي ازاماتتاردىڭ سالىق جۇكتەمەسى 10 ەسەگە ازايادى. باسى ارتىق قاراجات وسى ساناتتاعى 2 ميلليوننان استام قازاقستاندىقتاردىڭ ەڭبەك تولەمىن كوبەيتۋ ءۇشىن جۇمسالادى.
قازاقستاننىڭ ءبىلىم قوعامداستىعىنىڭ وكىلى رەتىندە «جوعارى ءبىلىمنىڭ قولجەتىمدىلىگى مەن ساپاسىن ارتتىرۋ جانە ستۋدەنت جاستاردىڭ ءومىر ءسۇرۋ جاعدايلارىن جاقسارتۋ» اتتى ءۇشىنشى باستاما ءبىز ءۇشىن اسا ماڭىزدى. ادامدارعا سالىنعان ينۆەستيتسيالار الەۋمەتتىك ساياسات سالاسىنداعى باسىمدىق دەپ تانىلادى. كەلەسى وقۋ جىلىندا قوسىمشا 20 مىڭ ءبىلىم گرانتى بولىنەدى. تەحنيكالىق ماماندىقتار بويىنشا باكالاۆرلاردى دايارلاۋعا ارنالعان قوسىمشا گرانتتار جاڭا ەكونوميكانىڭ كادرلىق ماسەلەلەرىن, مەملەكەت جۇرگىزەتىن يندۋستريالىق باعدارلامالاردى ءتيىمدى شەشۋگە جانە سۇرانىسقا يە مىڭداعان مامانداردى وقىتۋعا مۇمكىندىك بەرەدى. ولار, ءبىرىنشى كەزەكتە, ينجەنەرلەر, اقپاراتتىق تەحنولوگيالار, روبوت-تەحنيكا جانە نانوتەحنولوگيا سالالارىنىڭ ماماندارى. سونداي-اق تەحنيكالىق جانە اۋىلشارۋاشىلىق ماماندىقتارى بويىنشا دا بارلىق جوو-لاردىڭ, ۇلتتىق ۋنيۆەرسيتەتتەردىڭ گرانتىن كوبەيتۋ قاراستىرىلعان. بۇل ساپالى ءبىلىم بەرۋ ۇدەرىسىنە قاجەتتى ماتەريالدىق-تەحنيكالىق بازانى جانە كادرلار رەسۋرسىن دامىتۋعا مۇمكىندىك تۋعىزادى.
الداعى ۋاقىتتا ستۋدەنتتەردىڭ ءومىر ءسۇرۋ جاعدايلارى جاقسارادى. جاتاقحانا تاپشىلىعى بار جوعارى وقۋ ورىندارىنداعى اتالعان وزەكتى ماسەلە وڭ شەشىمىن تابادى. ايتا كەتۋ كەرەك, ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە مۇنداي ماسەلە جوق. بۇگىندە ۋنيۆەرسيتەتىمىزدە جاتاقحانالاردى, الەۋمەتتىك نىسانداردى جاڭعىرتۋ جانە كامپۋس ايماعىن كورىكتەندىرۋ بويىنشا كوپ جۇمىس اتقارىلۋدا. ستۋدەنتتەردىڭ وقۋىنا جانە بوس ۋاقىتىن ءتيىمدى وتكىزۋىنە بار جاعداي جاسالىنعان, بۇل ولاردىڭ اكادەميالىق جانە شىعارماشىلىق تابىستارىنا وڭ اسەرىن تيگىزەدى.
پرەزيدەنتتىڭ ءوزىن-ءوزى جۇمىسپەن قامتاماسىز ەتكەن جانە جۇمىسسىز ازاماتتار اراسىندا جەڭىلدىگى بار شاعىن نەسيە ۇسىنۋ باستاماسى حالىقتىڭ كاسىپكەرلىك بەلسەندىلىگىن دامىتۋعا ىقپال ەتەدى. مەملەكەت باسشىسى جاپپاي كاسىپكەرلىكتى دامىتۋ تۋرالى ايتا كەلە, 2018 جىلى ميكروكرەديت بەرۋدىڭ جالپى كولەمى 14 مىڭنان استام ادامدى قۇرايتىنىن اتاپ ءوتتى. مەملەكەت تاراپىنان اتالعان باعدارلاماعا قوماقتى قاراجاتتىڭ ءبولىنۋى ءوز كەزەگىندە وتانداستارىمىزدىڭ ءوزىن-ءوزى تانىتۋىنا ىقپال ەتەدى, سونىڭ ىشىندە ستۋدەنت جاستار ءۇشىن قوسىمشا مۇمكىندىكتەر مەن پەرسپەكتيۆالاردى قامتاماسىز ەتەدى. قاراعاندى وبلىستىق ءماسليحاتىنىڭ دەپۋتاتى رەتىندە مەن قاراوزەك-جەزقازعان-قاراعاندى-تەمىرتاۋ-استانا باعىتى بويىنشا ماگيسترالدى گاز قۇبىرىن تارتۋدى قولدايمىن. بۇل وڭىردەگى ەكولوگيالىق ماسەلەلەرمەن كۇرەسۋگە وڭ ىقپال ەتەدى, قالاداعى جانە اۋىلداعى ءومىر ءسۇرۋ ساپاسىن جاقسارتادى.
اۋقىمدىلىعى مەن كۇتىلەتىن اسەرى بويىنشا مەملەكەتتىڭ «تۇبەگەيلى شارالارى» اتانعان مالىمدەلگەن جوبالار سوڭعى جىلدارداعى رەسپۋبليكانىڭ الەۋمەتتىك-ەكونوميكالىق دامۋىنىڭ ەڭ ماڭىزدى ناتيجەسى بولىپ تابىلادى. پرەزيدەنت جۇزەگە اسىرىپ وتىرعان ەكونوميكالىق ءوسۋدىڭ تۇراقتى ستراتەگياسى بۇگىنگى كۇنى اۋقىمدى الەۋمەتتىك باستامالاردى ىسكە قوسۋ جانە تابىستى ىسكە اسىرۋ ءۇشىن قاجەتتى نەگىز سانالادى. پرەزيدەنت ايتقانداي, بۇل ەسەپتەلگەن باعدارلاما, حالىقتىڭ يگىلىگىنە ارنالاتىن ۇتىمدى جانە وپتيميستىك جوبا.
بارلىق ۇسىنىلعان جوبالار ازاماتتاردىڭ الەۋمەتتىك قورعالۋىن, قامتاماسىز ەتىلۋىن نىعايتىپ قانا قويمايدى, سونىمەن قاتار مۋلتيپليكاتيۆتى ەكونوميكالىق دامۋدى كۇشەيتەدى, الەۋمەتتىك تۇراقتىلىقتى, الەۋمەتتىك داعدارىستىڭ الدىن الۋ بويىنشا مەملەكەت پەن جەكە بيزنەستىڭ سەرىكتەستىگىن كەڭەيتۋدى قامتاماسىز ەتەدى. الەۋمەتتىك ساياسات قۇرالدارىن جانداندىرۋ ەكونوميكالىق ءوسۋدىڭ كاتاليزاتورى. ياعني, الەۋمەتتىك ساياساتتىڭ باسىمدىقتارى ونىڭ ۇزاق مەرزىمدى ەكونوميكالىق دامۋعا جانە تەڭدەستىرىلگەن الەۋمەتتىك قۇرىلىمدى قامتاماسىز ەتۋگە اسەرىن ەسكەرە وتىرىپ انىقتالادى.
ەلباسى ادامگەرشىلىك, قۇرمەت, سەنىم, حالىققا جانە ەلگە ريزاشىلىق ءبىلدىرۋ قابىلەتى حالقىمىزدىڭ بىرلىگى مەن مەملەكەتىمىزدىڭ تابىستى دامۋىنىڭ نەگىزىنە اينالاتىنىن اركەز ايتادى. ۇسىنىلعان باعدارلامالار قوعامداعى الەۋمەتتىك جانە پسيحولوگيالىق جايلىلىقتى قامتاماسىز ەتۋگە, حالىق پەن مەملەكەتتىڭ ءوزارا سەنىمىنە, «قازاقستان – ءبىزدىڭ ورتاق ءۇيىمىز» اتتى حالىق ءۇشىن تارتىمدى الەۋمەتتىك جوبانى نىعايتۋعا باعىتتالعان. ءبىز بارلىعىمىز پرەزيدەنتىمىزدىڭ «الەۋمەتتىك مەملەكەت پەن ۇلتتىق ءال-اۋقاتتىڭ قازاقستاندىق ۇلگىسىن» تابىستى قالىپتاستىرۋعا دەگەن سەنىمدىلىگىن قۋاتتاي وتىرىپ, قولدايمىز.
ەركىن كوبەەۆ,
ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ رەكتورى
