فوتو: باۋىرجان شيرمەدين ۇلى
سايىسقا باتىس قازاقستان وبلىستىق بالالار مەن جاسوسپىرىمدەردىڭ سپورت مەكتەبى مەن سپورتقا دارىندى بالالارعا ارنالعان مەكتەپ-ينتەرناتتىڭ جانىنداعى اۋىر اتلەتيكا ۇيىرمەلەرىنىڭ شاكىرتتەرى, قازتالوۆ, سىرىم اۋداندارى, ورال قالاسى جانە جالپاقتال اۋىلى جەكە كوماندا قۇرىپ قاتىستى. ءسويتىپ, جىمپيتىعا بارلىعى 60 زىلتەمىرشى جينالدى.
- سىرىم اۋدانىندا اۋىر اتلەتيكا ۇيىرمەسى وتكەن جىلدىڭ قىركۇيەك ايىندا عانا اشىلدى. ول جەردە قازاقستان رەسپۋبليكانىڭ بىرنەشە دۇركىن چەمپيونى, قازاقستان رەسپۋبليكاسىنىڭ سپورت شەبەرى راۋان بۇركىتوۆ باپكەرلىك ەتىپ ءجۇر. وسى ۇيىرمەنى اشۋعا باتىس قازاقستان وبلىستىق سپورت باسقارمياسى مەن سىرىم اۋدانى اكىمىنىڭ ورىنباسارى اسىلانبەك سارقۇلوۆ كوپ قولداۋ كورسەتىپ ەدى. مىنە, ەڭبەگىمىز اقتالدى, ناتيجە جاقسى. سىرىمدىق جاستار اراسىنان ەكى چەمپيون, ەكى جۇلدەگەر شىعىپ وتىر, - دەيدى اۋىر اتلەتيكادان باتىس قازاقستان وبلىسىنىڭ اعا جاتتىقتىرۋشىسى داۋرەن بايتوريەۆ.
سونىمەن, جىمپيتىدا وتكەن جارىس جەڭىمپازدارى بولىپ ۇلدار اراسىندا 30 كەلىدە – ارنۇر نۇرلانوۆ, 34 كەلىدە – نۇرعازى ماقانوۆ, 38 كەلىدە - مۇرات باجەكەنوۆ (جالپاقتال اۋىلى), 42 كەلىدە – رۋلان ساريەۆ, 46 كەلىدە – سەرجان حاميدوللا, 50 كەلىدە – ءادىلجان نۇرتاەۆ (كازتالوۆ اۋدانى), 56 كەلىدە – وراز جۇماعالي (سىرىم اۋدانى), 62 كەلىدە – وتەپبەرگەن اليەۆ, 69 كەلىدە – ارمان يزتەلەۋوۆ, 77 كەلىدە – بەكەت جاربوسىن, 85 كەلىدە – ەرجان جۇماعۇلوۆ, + 85 كەلىدە – ۆيكتور تاراسوۆ جەڭىمپاز بولىپ تانىلدى. ال قىزدار اراسىندا وتكەن سايىستا جاسمينا مۇراتوۆا (سىرىم اۋدانى, 32 كەلى), التىنگۇل بەكەتوۆا, (قازتالوۆ اۋدانى, 36 كەلى), گۇلسەزىم العازيەۆا (ورال قالاسى, 48 كەلى), ايىمگۇل ەلەمەسوۆا (كازتالوۆ اۋدانى, 53 كەلى) چەمپيون بولدى.
- 56 كەلى سالماق دارەجەسىنەن جوعارى جەڭىمپازداردىڭ بارلىعى قازاقستان رەسپۋبليكاسىنىڭ چەمپيوناتىنا جولداما الدى, - دەيدى داۋرەن بەكەت ۇلى.
اۋىر اتلەتيكا – باتىس قازاقستان وبلىسىندا سوڭعى جىلدارى جەدەل دامىپ كەلە جاتقان سپورتتىڭ ءتۇرى. اۋىر اتلەتيكا بويىنشا بقو وبلىسىنىڭ اعا جاتتىقتىرۋشىسى داۋرەن بايتورەەۆ اۋىر اتلەتيكا بويىنشا وبلىس چەمپيوناتىن تۇڭعىش وتكىزگەن سىرىم اۋدانى سايىستى جوعارى دەڭگەيدە ۇيىمداستىرعان. «زىلتەمىر سپورتىنىڭ دامۋىنا قولداۋ ءبىلدىرىپ وتىرعان جەرگىلىكتى اكىمدىك باسشىلارىنا زور العىس ايتامىز» دەيدى داۋرەن بەكەت ۇلى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان
