ءىس-شارا بارىسىندا وڭىردەگى سوت تورەلىگىن ساپالى اتقارۋ, زاڭدىلىقتى ساقتاۋ, سوتتاردىڭ جۇمىسىن ودان ءارى جەتىلدىرۋ ماسەلەلەرى بويىنشا القا توراعالارى, ارىز-شاعىمدار بويىنشا جانە سوت ادەبى جونىندەگى كوميسسيالاردىڭ توراعالارى, باق-پەن بايلانىس جۇمىسىن ۇيلەستىرۋشى سۋديا مەن سوتتار اكىمشىسىنىڭ باسشىسى, سونداي-اق اۋداندىق جانە وعان تەڭەستىرىلگەن سوتتاردىڭ توراعالارى بايانداما جاسادى.
كەڭەستى اشقان ج.الانوۆ ەلباسى ۇسىنعان باعدارلامالاردان قولداۋ تاپقان سوت جۇيەسىندەگى رەفورمالاردىڭ ماڭىزدىلىعىن ايتىپ, ىستەردى قاراۋ ساپاسىن ودان ءارى ارتتىرۋ, جەرگىلىكتى سوتتاردىڭ جۇمىسىنداعى كەمشىلىكتەردىڭ الدىن الىپ, سەبەپتەرىنە تالداۋ جاساۋ, زاڭدىلىقتارداعى جاڭاشىلدىقتاردى بارىنشا قولدانۋدى قامتاماسىز ەتۋدى تاپسىردى.
ن.ءشارىپوۆ سوت تورەلىگىن جۇزەگە اسىرۋداعى باسىم باعىتتاردان قۇرالعان ستراتەگيالار پورتفەلىن كەڭىنەن تانىستىردى. اعىمداعى جىلدىڭ ناۋرىزىنان باستاپ رەسپۋبليكا سوتتارى ازاماتتىق ىستەردى وڭايلاتىلعان تارتىپتە قاراۋ ەلەكتروندىق فورماتقا كوشىرىلگەنىن, ەندى سۋديالار سوت زالدارىنا بارماي-اق, ءىستى قاراپ شەشىم شىعاراتىندىعىن, جاڭا ستراتەگيالار بويىنشا سۋديا كومەكشىسىنىڭ جۇمىس مەحانيزمى دايىندالىپ جاتقانىن ايتىپ, كادر تاپشىلىعى ماسەلەسىن شەشۋدىڭ وڭتايلى تاسىلدەرىمەن ءبولىستى. بۇل كۇن سايىن وسكەن ازاماتتىق ىستەردىڭ جۇكتەمەسىن ازايتىپ, اۋرە-سارساڭنىڭ, قاعازباستىلىقتىڭ الدىن الىپ, حالىق سەنىمىن قالىپتاستىرۋدىڭ بىردەن ءبىر جولى ەكەنىن ءتۇسىندىردى.
ودان ءارى ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى ەرجان قاراباەۆ ەسەپتى مەرزىمدە قارالعان قىلمىستىق ىستەردىڭ ستاتيستيكاسى تۋرالى باياندادى. ايتۋىنشا, 2018 جىلدىڭ I توقسانىندا جەرگىلىكتى سوتتاردا بارلىعى 461 تۇلعاعا قاتىستى 403 قىلمىستىق ءىس قارالعان, ونىڭ ىشىندە – 354 تۇلعاعا قاتىستى ايىپتاۋ ۇكىمى بولسا, 2 اقتاۋ ۇكىمى شىعارىلعان. جالپى وبلىس بويىنشا قىلمىستىق ىستەر سانى وتكەن جىلعا قاراعاندا 45 ىسكە كەمىگەنىمەن, بەينەۋ, تۇپقاراعان, مۇنايلى اۋداندىق سوتتارىندا بىلتىرعى جىلمەن سالىستىرعاندا قىلمىستىق ىستەر كوبەيگەن. القا توراعاسى اۋدانداردا قىلمىستىق ىستەردىڭ ارتۋ سەبەبىنە تالداۋ جاساۋ قاجەتتىگىنە, مەدياتسيانىڭ تيىمدىلىگىن ءتۇسىندىرۋ مەن قولدانۋ جۇمىستارىنا باسىمدىق بەرۋ كەرەكتىگىنە ايرىقشا توقتالدى.
ال, ازاماتتىق ىستەر جونىندەگى سوت القاسىنىڭ توراعاسى نۇرساپا پريماشەۆ ەسەپتى مەرزىمدە ازاماتتىق ىستەردىڭ ەكى ەسەگە, ونىڭ ىشىندە اقتاۋ قالاسى №2 سوتىندا ءۇش ەسەگە كۇرت ارتىپ, سوتتاردىڭ جۇكتەمەسى كوبەيگەنىن اتاپ ايتتى. سوڭعى ۋاقىتتا بانكتىك كەلىسىم شارتتارعا بايلانىستى ىستەر سانى 60 پايىزعا ارتۋىنا بايلانىستى, بۇل ماسەلەنى وڭتايلى شەشۋ تۋرالى ۇسىنىستار كەلتىردى. ستاتيستيكالىق مالىمەتتەرگە سايكەس, 2018 جىلى 3 ايدا ماڭعىستاۋ وبلىسىنىڭ اۋداندىق جانە وعان تەڭەستىرىلگەن سوتتارىنا بارلىعى 8266 (2016 ج. – 4234) ىستەر مەن ارىزدار تۇسكەن. وتكەن جىلمەن سالىستىرعاندا اياقتالعان ازاماتتىق ىستەر سانى ارتقان. 2017 جىلى وبلىس بويىنشا سوتتاردا بارلىعى 4452 اكىمشىلىك ءىس قارالعان. وبلىس بويىنشا 41 قىلمىستىق ءىس, 227 ازاماتتىق ءىس مەدياتسيا راسىمىمەن اياقتالعان.سونداي-اق, كەڭەس سوڭىندا سوت جۇيەسىندەگى ەلەكتروندى سەرۆيستەردىڭ قولدانىسى, تەحنيكالىق جابدىقتاۋ ماسەلەلەرى تۋرالى مالىمەتتەر ايتىلدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
