وتكەن جىلى «بيزنەستىڭ جول كارتاسى 2020» باعدارلاماسىمەن 499 جوباعا قولداۋ كورسەتىلسە, «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ 2017-2021 جىلدارعا ارنالعان باعدارلاماسىنىڭ» ەكىنشى باعىتى اياسىندا 911 كاسىپكەرگە 4,1 ملرد.تگ كولەمىندە شاعىن نەسيە بەرىلگەن. ال «باستاۋ بيزنەس» جوباسى بويىنشا 1 500 ادام وقۋدان وتكەن, ونىڭ ىشىندە 300-ءى ءوز كاسىبىن باستادى. وڭىرلىك قارجى ينستيتۋتتارى - «وڭتۇستىك» ايماقتىق ينۆەستيتسيالىق ورتالىق جانە «ىرىس» مقۇ ارقىلى 2017 جىلى 8,3 ملرد. تەڭگەگە 2 342 جوباعا قارجىلاي قولداۋ كورسەتىلىپ, ناتيجەسىندە 4 618 جاڭا جۇمىس ورىندارى اشىلعان. دەگەنمەن, وڭتۇستىككە كورشى ەلدەن اكەلىنەتىن تاۋارلار كوبەيگەن. مىسالى, ازىق-ت ۇلىك, حيميالىق, توقىما ونىمدەرى, كىلەم, اياق كيىم, تىڭايتقىش يمپورتى ارتقان.
بۇل دەرەكتەر وڭتۇستىك قازاقستان وبلىسىنا جۇمىس ساپارىمەن كەلگەن «اتامەكەن» ۇكپ تورالقا توراعاسى تيمۋر ق ۇلىباەۆتىڭ قاتىسۋىمەن وتكەن كاسىپكەرلەر پالاتاسىنىڭ ايماقتىق كەڭەسىنىڭ كەڭەيتىلگەن وتىرىسىندا كەلتىرىلدى. وتىرىستا, ءوزىنىڭ باسەكەگە قابىلەتتى ءونىمى بار وزبەكستان شەكاراسىن اشىپ جاتقان ۋاقىتتا وتاندىق تاۋار وندىرۋشىلەرگە جان-جاقتى قولداۋ كورسەتۋ ماڭىزدى ەكەنى ايتىلدى. بۇل ورايدا «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى ەلدار جۇماعازيەۆ وتكەن جىلى سارىاعاش جانە ماقتاارال اۋداندارىندا جۇرگىزىلگەن زەرتتەۋ جۇمىستارىنىڭ ناتيجەسىن باياندادى. سارىاعاشتا بولاشاقتا قاجەتتى 44 بيزنەس نىسان انىقتالعان. اۋدان ورتالىعىندا 30% بالا مەكتەپكە دەيىنگى مەكەمەمەن قامتاماسىز ەتىلمەگەن. ياعني, شامامەن 8 بالا باقشا سالۋدى قاجەت ەتەدى. «اۋداندىق كاسىپكەرلەر پالاتاسى جۇرگىزگەن تالداۋ بويىنشا كوللەدجدەر مەن كاسىپتىك مەكتەپتەردە ءبىلىم العان 5318 جاس ماماننىڭ 90 پايىزى جۇمىسپەن قامتىلمايدى. سوندىقتان ءبىز وسى وقۋ ورىندارىنا قويىلاتىن تالاپتى وزگەرتۋدى ۇسىنامىز. ياعني, كاسىپورىنداردىڭ سۇرانىسىنا ساي ماماندار دايارلاۋ قاجەت», - دەيدى ە.جۇماعازيەۆ.
بۇدان بولەك, «اتامەكەن» كاسىپورىنداردان وقۋ ورتالىقتارىن اشۋدى, وندا 1 ايدان 6 ايعا دەيىن وقىتۋدى ۇسىنىپ وتىر.
وڭتۇستىكقازاقستاندىق تاۋاروندىرۋشىلەردىڭ باسەكەگە قابىلەتتى بولۋى ءۇشىن كورشى ەلدەگى ديقاندارمەن اراداعى ايىرماشىلىقتى ازايتۋ ماڭىزدى. وتىرىستا كەلتىرىلگەن دەرەكتەرگە قاراعاندا, وڭتۇستىكتە ەلەكتر قۋاتىنىڭ 1 كيلوۆاتى 28 تەڭگە بولسا, ءبىزدىڭ اقشامەن ساناعاندا كورشى وزبەكستاندا – 8 تەڭگە. ءبىر تەكشەمەتر سۋىڭىز وڭتۇستىكتە 50 تەڭگە, كورشىمىزدە -15, ءبىر تەكشەمەتر گاز بىزدە 36 تەڭگە, ولاردا – 11 تەڭگە. مۇنداي ايىرماشىلىق وتاندىق كاسىپكەرلەرگە قيىندىق تۋعىزۋدا. «بۇل ءوز كەزەگىندە ءونىمنىڭ وزىندىك قۇنىنا اسەر ەتەدى. مىسالى, 1 كەلى قىزاناقتىڭ وزىندىك قۇنى وڭتۇستىكتە 270 تەڭگە بولسا, وزبەكستاندا ءبىزدىڭ اقشامەن ەسەپتەگەندە - 180 تەڭگە», دەيدى ە.جۇماعازيەۆ.
سونداي-اق, كەڭەيتىلگەن وتىرىستا جەردى ءتيىمدى پايدالانۋ, ءار اۋداننىڭ مۇمكىندىگىنە تالداۋ جاساۋ, باسەكەگە قابىلەتتىلىكتى ارتىرۋ قاجەتتى ايتىلدى.
ەركىن دوسىمباي,
وڭتۇستىك قازاقستان وبلىسى
