باسقارما باسشىسىنىڭ ايتۋىنشا, بۇگىنگى تاڭدا وبلىستاعى وقۋ ورىندارىندا 6200 كومپيۋتەر بار. ولاردىڭ 694-ءى اۋىستىرۋدى تالاپ ەتەدى. كوبى ەسكىرگەن كومپيۋتەرلەر جانە 1 كومپيۋتەرگە 13 وقۋشىدان كەلەدى.
2018 جىلعا ارنالعان جەرگىلىكتى بيۋدجەتتەن بۇل ماسەلەنى شەشۋ ءۇشىن 300,0 ملن. تەڭگەگە 1580 كومپيۋتەر ساتىپ الۋ قاراستىرىلعان. بارلىق مەملەكەتتىك مەكتەپ ينتەرنەت پايدالانا الادى. 124 مەكتەپ (92,5%) كەڭ جولاقتى ينتەرنەتكە قوسىلعان.
– قازىرگى تاڭدا مەكتەپتەردى 100% كەڭجولاقتى ينتەرنەتپەن قامتاماسىز ەتۋ جۇمىستارى 2018 جىلدىڭ مامىر ايىندا اياقتالادى دەپ كۇتىلۋدە. 134 (100%) مەكتەپ «Bilim Media Group» كومپانياسىنىڭ تسيفرلىق ءبىلىم بەرۋ رەسۋرستارىنا قوسىلعان. مۇعالىمدەر مەن اتا-انالار ءۇشىن «دەرەك» اتتى ازاماتتاردىڭ وتىنىشتەرى ەلەكتروندىق جۇيەلەردىڭ ءموبيلدى قوسىمشالارى ەنگىزىلدى. مەكتەپتەردەگى Wi-Fi قولجەتىمدىلىگى – 75%, – دەدى ماڭعىستاۋ وبلىستىق ءبىلىم باسقارماسىنىڭ باسشىسى اتالمىش سالانىڭ كومپيۋتەرلەندىرىلۋى جايىندا.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
