ايتۋىنشا, جەكەشەلەندىرۋدىڭ 2017-2018 جىلدارعا ارنالعان كەشەندى جوسپارىنا سايكەس وبلىس بويىنشا جەكەشەلەندىرۋگە 20 نىسان قاراستىرىلعان. 2017 جىلى جەكەشەلەندىرۋگە بارلىعى 15 نىسان جوسپارلاندى, ونىڭ ىشىندە 7 نىسان جۇزەگە اسىرىلدى. 25,9 ملن.ت. 2 نىسان ساتىلىپ, سەنىمگەرلىك باسقارۋعا 2 نىسان بەرىلسە, تاراتۋ تۋرالى شەشىم قابىلدانۋىنا بايلانىستى 3 نىسان ساۋدا-ساتتىقتان الىنعان. قالعان 8 نىسان بويىنشا قاتىسۋشىلاردىڭ بولماۋىنا بايلانىستى ساۋدا-ساتتىق ناتيجەلەرى وتپەدى دەپ تانىلىپتى. 2018 جىلى جوعارىدا كورسەتىلگەن 8 نىساندى ەسەپكە الۋمەن كەشەندى جوسپارىن تولىق جۇزەگە اسىرۋ ءۇشىن, جەكەشەلەندىرۋگە 13 نىسان جاتادى.
– جەكەشەلەندىرۋ وبەكتىلەرىنىڭ ساتۋ مەرزىمدەرىن قايتا قاراۋ بويىنشا ۇكىمەت تاپسىرماسىن ورىنداۋ ماقساتىندا وبلىس اكىمدىگىمەن ساتۋ كەستەسى مەن «جول كارتالارى» قايتا بەكىتىلدى, وندا 5 نىسان كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋگە, 3 نىسان اۋكتسيون ارقىلى ساتۋعا, 1 نىسان باسىمدىقپەن ساتىپ الۋ قۇقىعىمەن ساتۋعا, سونداي-اق 4 نىسان ەكونوميكا ورىندىلىعى ماقساتىندا تاراتۋعا جاتادى, – دەدى ماڭعىستاۋ وبلىستىق قارجى باسقارماسىنىڭ باسشىسى مارينا الىبەكوۆا.
2018 جىلعى 1 ساۋىردەگى جاعداي بويىنشا وبلىستىڭ جەرگىلىكتى بيۋدجەتىنىڭ كىرىسى 36,2 ملرد. تەڭگەنى نەمەسە ەسەپتى كەزەڭنىڭ جوسپارىنا 117,9% قۇراسا, كىرىس جوسپارى بارلىق اۋداندار مەن قالالاردا تولىعىمەن ورىندالعان. سونداي-اق, بولىمدەر بويىنشا كىرىستەردىڭ ءوسۋىنىڭ نەگىزگى ۇلەسى سالىق تۇسىمدەرىمەن ەسەپكە الىنىپ, بۇل جالپى تابىستىڭ 75,5% قۇراعان.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
