كەزدەسۋ تاراپتار ينۆەستيتسيالىق ىنتىماقتاستىقتى, كولىكتىك-لوگيستيكالىق ينفراقۇرىلىمدى دامىتۋ, ترانزيتتىك تاسىمالدار مەن ازاماتتىق اۆياتسيا سالاسىنداعى ءوزارا ءىس-قيمىل ماسەلەلەرىن تالقىلاندى.
جەڭىس قاسىمبەك سوڭعى جىلدارى ەكى ەل اراسىنداعى قاتىناستاردىڭ دامۋ ديناميكاسى وسكەنىن اتاپ ءوتتى. مىسالى, قازاقستان مەن ليتۆا اراسىنداعى تەمىرجول ترانزيتتىك تاسىمالى 27,1%-عا ءوستى. ول سونداي-اق ليتۆا كومپانيالارىن ء«بىر بەلدەۋ – ءبىر جول» باستاماسى اياسىندا ەكى ەلدىڭ ترانزيتتىك الەۋەتىن ىسكە اسىرۋعا بەلسەندى قاتىسۋعا شاقىردى. بيىل وڭ ديناميكا ساقتالۋدا. تەك قانا قاڭتار ايىنىڭ وزىندە ترانزيتتىك تاسىمال 2 ەسەگە ءوستى. 2018 جىلدىڭ قاڭتارىندا تەمىرجول ترانزيتىمەن تاسىمالدانعان تاۋارلاردىڭ كولەمى 15,53 مىڭ توننانى قۇرادى. بۇل 2017 جىلدىڭ سايكەس كەزەڭىمەن سالىستىرعاندا 9,67 مىڭ تونناعا ارتىق (5.86 مىڭ توننا).
ەلشى ۆيتاۋتاس ناۋدۋجاس ساۋدا-ەكونوميكالىق بايلانىستاردى ودان ءارى نىعايتۋعا جانە ءوزارا ىنتىماقتاستىق سالالارىن كەڭەيتۋگە نيەتتى ەكەنىن اتاپ ءوتتى.
2017 جىلى ەلدەر اراسىنداعى تاۋار اينالىم 2016 جىلمەن (324,4 ملن.) سالىستىرعاندا 2 ەسەدەن اسىپ, (122,7%) ارتىپ, 722,3 ملن. دوللاردى قۇرادى. 2016 جىلمەن سالىستىرعاندا قازاقستاننىڭ ليتۆاعا ەكسپورتى (شامامەن 240,9 ملن. اقش دوللار) 2,5 ەسە (130%) ءوستى جانە 554,3 ملن. اقش دوللارىن قۇرادى. 2018 جىلدىڭ 27 مامىرىنان باستاپ SCAT قازاقستاندىق اۋە كومپانياسى استانا-ۆيلنيۋس جاڭا اۋە قاتىناسىن اشۋدى جوسپارلاپ وتىر (رەيستەر VS-Boing 737 اۋە كەمەسىمەن اپتاسىنا 2 رەت, بەيسەنبى جانە جەكسەنبى كۇندەرى ورىندالادى).
