وبلىستىق اكىمدىكتىڭ حابارىنشا, مۇناي وڭدەۋ جانە مۇناي-حيميا سالاسى بويىنشا وڭىرلەر اراسىندا ەكى جاقتى قارىم-قاتىناس ورناتۋدىڭ جولدارى قاراستىرىلدى. ءبىزدىڭ وبلىستان بارعان دەلەگاتسيا تۇمەن وبلىسىنىڭ ينفراقۇرىلىمىن دامىتۋ اگەنتتىگىندە تەحنوپارك, IT-پارك, بيزنەس-ينكۋباتور جۇمىستارىمەن تانىستى. انتيپين مۇناي وڭدەۋ جانە «ەلەكتروستال تيۋمەني» مەتالل زاۋىتتارىن ارالادى.
تۇمەندە وندىرىلەتىن بەنزيندى وڭىرگە جەتكىزۋ جايى ايتىلدى. كاسىپورىن جىلىنا 9 ميلليون توننا مۇناي وندىرەدى. زاۋىت ماماندارى مۇنايدىڭ قالاي وڭدەلەتىنىن تانىستىردى. س.تورايعىروۆ اتىنداعى مەملەكەتتىك ۋنيۆەرسيتەت پەن تۇمەننىڭ مەملەكەتتىك ۋنيۆەرسيتەتىمەن, مۇناي-گاز ۋنيۆەرسيتەتىمەن, بيوتەحنولوگيا جانە ۆەتەرينارلىق مەديتسينا ينستيتۋتىمەن جاڭا جوبالاردى جۇزەگە اسىرۋ جايىندا كەلىسسوزدەر جۇرگىزدى. «تۇمەن ءسۇت فەرمالارى» كاسىپورىندارىندا جانە «يۋبيلەينىي» اگروحولدينگىندە بولىپ, ولاردىڭ تاجىريبەسىمەن تانىستى.
تۇمەن مەن وبلىس اراسىنداعى سىرتقى ساۋدا كولەمى 1,4 ملن. اقش دوللارى جەتكەن. ويتكەنى, ساۋدا-ەكونوميكالىق ىنتىماقتاستىقتى دامىتۋعا رەسمي جانە ىسكەرلىك ورتانىڭ وڭىرارالىق وسىنداي كەزدەسۋلەرىنىڭ مۇمكىندىگى مول. ساپار سوڭىندا وبلىس دەلەگاتسياسى تۇمەن وبلىسى قازاقتارىنىڭ ۇلتتىق-مادەني اۆتونومياسى وكىلدەرىمەن كەزدەستى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ
