- ءبىزدىڭ قۇراما كوماندا وسى ماتچتا فاۆوريت ەكەنى راس. بىراق, تىڭعىلىقتى دايىندالماسا بولمايدى. قازاقستان وسىعان دەيىن ازۋلى كوماندالاردى جەڭىپ كەتكەن. دەگەنمەن, ءبىزدىڭ ۇجىمنىڭ مارين چيليچ سەكىلدى تەننيسشى بار. ونىڭ قۇراماعا كەلىپ, كومەكتەسىپ جاتقانى قۋانتادى. ايتپەسە ونىڭ جارىستارى كوپ, قولى بوسامايدى.
- ال قازاقستان قۇراماسى جايلى قانداي ويداسىز؟ ونىڭ قانداي ەرەكشە تۇستارى بار؟
- بۇل كوماندا كوپ جاعدايدا ءوز الاڭىندا مىقتى وينايدى. استاناداعى ماتچتاردىڭ كوبىسىندە جەڭىسكە جەتكەن. ال بۇل جولعى ويىن ءبىزدىڭ الاڭىمىزدا وتەدى. سەبەبى, حورۆاتيانىڭ رەيتينگىسى قازاقستاننان جوعارى. ايتپەسە, ويىن قازاقستان الاڭىندا وتكەندە بىزدە كوپتەگەن قيىندىقتار بولار ەدى. وندا ءوزىمىزدى فاۆوريت سانامايتىن ەدىك. ال بۇل جولى توسەنىشتى دە ءوزىمىز تاڭداپ وتىرمىز, ءارى چيليچتە وينايمىن دەپ قۇلشىنىپ تۇر.
- «دەۆيس كۋبوگىنىڭ» ءوتۋ ءادىسى اۋىساتىنعا ۇقسايدى. تامىز ايىندا داۋىسقا سالىنادى. ەگەر, ءبىر اپتادا الەم چەمپيوناتى سەكىلدى وتەتىن بولسا, ءسىز قۋاناسىز با؟ الدە بۇل حورۆاتيا ءۇشىن ىڭعايسىز با؟
- ازىرگە سولاي بولا ما, بولماي ما, بىلمەيمىز. بۇل جارناما مەن ماركەتينگ جاعىنان پايدالى. ءبىر جەردە وتەتىنى قارجى تۇرعىسىنان حالىقارالىق فەدەراتسياعا دا ءتيىمدى. تەننيس الەمىندەگى تانىمال تەننيسشىلەردى ءبىر جەرگە جيناپ, وزگە دە سپورتتارداعىداي ۇلكەن توي جاساۋدىڭ مۇمكىندىگى. الايدا, بۇل جاعداي تەننيسشىلەر ءۇشىن قالاي بولارىن ازىرگە بىلمەيمىن. ءبىز ءبىر ويىندى ءوز الاڭىمىزدا, ءبىر ويىندى سىرتتا وتكىزىپ, سول ماتچتاردىڭ ورتاسىندا 2-3 ايلاپ دايىندالىپ, اسىقپاي ساراپتاما جاساۋعا ۇيرەنىسىپ قالعانبىز.
ەرمۇحامەد ماۋلەن,
«ەگەمەن قازاقستان»
ۆاراجدين, حورۆاتيا.
