بۇل تۋرالى قر باس پروكۋراتۋراسىنىڭ ءباسپاسوز قىزمەتىنەن حابارلادى. بەلگىلى بولعانداي, قارجى م. ابدراليەۆكە تيەسىلى, ول 2012 جىلدان باستاپ حالىقارالىق ىزدەۋدە ءجۇر. م. ابدراليەۆ «قورعاس ءىسى» بويىنشا قىلمىستىق قاۋىمداستىقتىڭ مۇشەلەرى ت. جاقاەۆقا, ي. ابدىراحمانوۆقا جانە ب. قۇرماناليەۆكە شەت مەملەكەتتەردە اقشالاي قاراجاتتى زاڭداستىرۋعا كومەكتەستى دەگەن كۇدىككە ىلىنگەن. وسىعان بايلانىستى پروكۋرور شۆەيتساريالىق بانكتەگى اقشالاي قاراجاتتى تاركىلەۋ تۋرالى ءوتىنىشحاتتى سوتقا جولدادى.
بيىل 29 ناۋرىزىندا الماتى قالاسىنىڭ المالى اۋداندىق سوتى پروكۋروردىڭ ءوتىنىشحاتىن قاناعاتتاندىردى. ودان باسقا, اتالعان قىلمىستىق ءىس بويىنشا سوتقا دەيىنگى تەرگەپ-تەكسەرۋ بارىسىندا «تات كرەديت» جشس-نىڭ كەڭسەسىن ءتىنتۋ كەزىندە م. ابدراليەۆكە تيەسىلى 762 مىڭ اقش دوللارى جانە 915 مىڭ تەڭگە الىندى.
پروكۋراتۋرا اقشالاي قاراجاتتى تاركىلەۋ ءۇشىن سوتقا ءتيىستى ءوتىنىشحات جولدادى. ناتيجەسىندە پروكۋراتۋرا ورگاندارىنىڭ باستاماسى بويىنشا 2,1 ملن استام اقش دوللارى مەملەكەتتىڭ پايداسىنا تاركىلەندى. اتاپ ءوتۋ قاجەت, قىلمىستىق-پروتسەستىك زاڭناماعا وزگەرىستەردىڭ ەنگىزىلۋىنە بايلانىستى بيىلدان باستاپ ۇكىم شىققانعا دەيىن زاڭسىز جولمەن الىنعان م ۇلىك تاركىلەنەدى.
