سەناتور پرەزيدەنت ن.ءا.نازارباەۆتىڭ بەس الەۋمەتتىك باستاماسىن ىسكە اسىرۋ تەتىكتەرى تۋرالى ايتا كەلىپ, ەلىمىزدىڭ ۇكىمەتى ازىرلەگەن «پرەزيدەنتتىڭ بەس الەۋمەتتىك باستاماسى» جول كارتاسىنىڭ مازمۇنى جايىندا پارتيا وكىلدەرىن حاباردار ەتتى. كەزدەسۋگە قاتىسۋشىلار دەپۋتاتقا «7-20-25» جانە «سەرپىن-2050» باعدارلامالارىنا, ستۋدەنتتىك جاتاقحانالار قۇرىلىستارى مەن وقۋ ورىندارى تۇلەكتەرىن جۇمىسقا ورنالاستىرۋعا قاتىستى بىرقاتار ساۋالدار قويدى.
كەزدەسۋ بارىسىندا سپورت سالاسىنىڭ, ونىڭ ىشىندە جوعارى دارەجەدەگى سپورت نىساندارىنىڭ قۇرىلىسى, بۇقارالىق سپورتتى دامىتۋداعى سالالىق كاسىپوداقتاردىڭ ءرولىن كوتەرۋ, سپورتقا جاقىن دارىندى بالالارعا ارنالعان وبلىستىق ارناۋلى مەكتەپ-ينتەرناتتىڭ قۇقىقتىق مارتەبەسىن بيىكتەتۋ جونىندەگى وزەكتى ماسەلەلەر كوتەرىلدى.
س.ەرشوۆ كاسىپوداق ۇيىندە وبلىستاعى سالالىق كاسىپوداقتىڭ (مادەنيەت, اۋىل شارۋاشىلىعى, قۇرىلىس, تۇرعىن ءۇي-كوممۋنالدىق شارۋاشىلىعى, كومىر ونەركاسىبى جانە باسقا دا سالالار) اۋماقتىق قۇرىلىمدارىنىڭ جانە «كاسىپقازاقمىس» كاسىپوداعىنىڭ توراعالارىمەن اڭگىمەلەستى. سەناتور مەملەكەت باسشىسىنىڭ بەس الەۋمەتتىك باستاماسىن ىسكە اسىرۋ تەتىكتەرى تۋرالى جان-جاقتى اڭگىمەلەدى جانە ايماقتى دامىتۋدىڭ كەلەشەگى تۋرالى ءوز ويلارىمەن ءبولىستى.
