جيىندا دەنساۋلىق ساقتاۋ سالاسىندا سىبايلاس جەمقورلىقتى بولدىرماۋ, الدىن الۋ باعىتىندا كەلەلى اڭگىمەلەر قوزعالىپ, بارماق باستى, كوز قىستىعا جول بەرگەن تۇلعالاردىڭ اتى اتالىپ, ءتۇسى تۇستەلدى. سولاردىڭ ءبىرى وبلىستىق دەنساۋلىق ساقتاۋ باسقارماسىنىڭ باسشىسى ۆلاديمير بەزلەردىڭ قىزمەت بابىن اسىرا پايدالانعانى ءۇشىن قىزمەتتەن الاستاتىلعانى مىسالعا كەلتىرىلدى.
ونىڭ باسشى بولىپ تاعايىندالعانىنا از عانا ۋاقىت بولسا دا قول استىنداعى قىزمەتكەرلەردەن سىياقى جيناپ, مەملەكەتتىك قىزمەتشىگە ءتان ەمەس ورەسكەل ارەكەتكە جول بەرگەن. دەنساۋلىق ساقتاۋ باسقارماسىنىڭ جۇمىسىنا قاتىستى جەمقورلىق تاۋەكەلدەرىنە ىشكى ساراپتاما جۇرگىزىلىپ, № 1 قالالىق اۋرۋحانا , وبلىستىق اۋرۋحانا مەن وبلىستىق ناركولوگيالىق ديسپانسەر تەكسەرىستەن وتكەن. ناتيجەسىندە ناركولوگيالىق ورتالىقتىڭ باس دارىگەرى جاۋاپكەرشىلىككە تارتىلعان.
وبلىستا جەمقورلىق ارەكەت بويىنشا 30 قىلمىس اشكەرەلەنىپ, 20 جاۋاپتى تۇلعا سوتتالعان. دەپارتامەنت جەتەكشىلەرىنىڭ ايتۋلارىنشا سىبايلاس جەمقورلىققا قاتىستى تۇسەتىن ءوتىنىش-شاعىمدار از ەمەس. ونىڭ باستى سەبەبى شەنەۋنىكتەردىڭ قىزمەتتىك وكىلەتتىكتەرىن اسىرا پايدالانۋىنا, ىندەتكە قارسى ءىس-شارالاردىڭ جۇيەلى جۇرگىزىلمەيتىنىنە كەلىپ تىرەلەدى. زاڭ بۇزۋشىلىقتارعا جول بەرگەن رەسپۋبليكالىق ۆەتەرينارلىق زەرتحانانىڭ جەرگىلىكتى فيليالىنىڭ جەتەكشىسىنىڭ ءبىر ميلليون تەڭگە ايىپ تولەۋىنە تۋرا كەلگەن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
