ءفيلمنىڭ سيۋجەتى ارنايى قىزمەتتەر مەن استانادا لاڭكەستىك شابۋىل جاساماق بولعان ءدىني ەكسترەميستىك توپ اراسىنداعى قاقتىعىسقا نەگىزدەلگەن. بۇل ۇلتتىق قاۋىپسىزدىك پەن وتباسىلىق قۇندىلىقتار تۋرالى, ءالسىز بەن ءالدىنىڭ جانە قازىرگى قازاقستاندىق قوعامنىڭ الدىندا تۇرعان ناقتى پروبلەمالارى تۋرالى سەريال.
ءفيلمنىڭ سيۋجەتى سوڭعى جىلدارى قازاقستاندا بولعان قايعىلى وقيعالارعا نەگىزدەلگەن. باس كەيىپكەر, ۇقك-ءنىڭ تەرگەۋشىسى ەرنار ەسەنگەلديەۆ قاتىگەز قىلمىستاردى تەرگەپ ءجۇرىپ كەنەتتەن ەكسترەميستىك توپتىڭ ىزىنە تۇسەدى. بۇل توپتىڭ قازاقستان استاناسىندا بىردەن بىرنەشە تەررورلىق شابۋىل جاساۋدى جوسپارلاعانى ءمالىم بولدى. مىڭداعان بەيبىت ازاماتتاردىڭ ومىرىنە قاۋىپ ءتوندى. سونىمەن بىرگە مايور ەسەنگەلديەۆتىڭ جەكە ومىرىندە دە داعدارىس تۋىپ, ەڭ جاۋاپتى ساتتە ول ساتقىندىققا تاپ بولادى.
«كراسنىي ۋروۆەن» اۆتورلارى دەتەكتيۆتىك سەريال عانا ءتۇسىرۋ مىندەتىن قويعان جوق. فيلمدە كۇردەلى دە قيىن, سونىمەن بىرگە قازاقستانعا وزەكتى ءدىني ەكسترەميزم تاقىرىبى قوزعالعان. فيلمدەگى باستى ءرولدى قازاق كينوسىنىڭ تانىمال اكتەرلەرى بەرىك ايتجانوۆ, تاۋەكەل ءمۇسلىم, سايا ورازعاليەۆا, فيليپپ ۆولوشين جانە نىشانبەك جۇباناەۆ سومدادى.
قويۋشى-رەجيسسەر رەسەيلىك ۆالەري مىزنيكوۆ «گلۋحار» جانە «زناكي سۋدبى» سەريالدارىمەن تانىمال.
«كراسنىي ۋروۆەن» تەلەحيكاياسىن كتك تەلەارناسى اقپارات جانە بايلانىس مينيسترلىگىنىڭ تاپسىرىسىمەن «STRANA media team» پروداكشن-ورتالىعىمەن بىرلەسىپ ءتۇسىردى.
فيلم 2018 جىلدىڭ 31 ناۋرىز – 1 ءساۋىر ارالىعىندا «كتك» تەلەارناسىندا كورسەتىلەدى.
2017 جىلى اقپارات جانە كوممۋنيكاتسيالار مينيسترلىگىنىڭ تاپسىرىسىمەن قازاقستاندىق قوعامنىڭ ماڭىزدى الەۋمەتتىك قۇبىلىستارىمەن اينالىساتىن 40 تەلەحيكايا مەن 131 الەۋمەتتىك بەينەروليك ءتۇسىرىلدى. بۇل شارالار ءوز كەزەگىندە وتاندىق تەلەارنالاردىڭ شەتەلدىك مەديا مازمۇنىنا تاۋەلدىلىگىن تومەندەتۋگە جانە كينويندۋستريانى دامىتۋعا كومەكتەسەدى.
