2016 جىلى جاسالعان ساراپتامانىڭ قورىتىندىسى بويىنشا عيماراتقا كۇردەلى جوندەۋدەن وتكىزۋ قاجەت بولعان.
ساراپتاما قورىتىندىسى نەگىزىندە ارال اۋداندىق اكىمدىگى تاراپىنان قۇرىلعان كوميسسيا تۇرعىندارعا اتالعان ءۇيدى تۇرعىن ءۇي-كوممۋنالدىق شارۋاشىلىعىن جاڭعىرتۋ باعدارلاماسى بويىنشا (بۇگىنگى تاڭدا "وڭىرلەردى دامىتۋ -2020" باعدارلاماسى) كۇردەلى جوندەۋدەن وتكىزۋ تۋرالى بىرنەشە رەت ۇسىنعان. الايدا, تۇرعىندار كەلىسىم بەرمەگەن.
ء«بىز ءتۇسىندىرۋ جۇمىستارىن جۇرگىزدىك. تۇرعىنداردىڭ 70% كەلىسىمىن بەرسە, باعدارلاما بويىنشا عيماراتقا كۇردەلى جوندەۋ جۇرگىزىلەتىنىن ەسكەرتتىك. وسى باعدارلاما اياسىندا ارال قالاسىندا ورنالاسقان 47 ەكىقاباتتى ءۇيدىڭ 22 كۇردەلى جوندەۋ جۇرگىزىلدى. بىراق, بۇل ءۇيدىڭ تۇرعىندارى مۇنداي جۇمىستى جۇرگىزۋگە كەلىسپەدى. ءبىز نىساننىڭ قاۋىپتى ەكەنىن بىرنەشە مارتە ەسكەرتتىك", - دەدى باۋىرجان ماحاتوۆ.
سونىمەن قاتار, قازىرگى كەزدە وسى عيماراتتا تۇرعان ءار وتباسىنىڭ جاعدايى جان-جاقتى زەرتتەلىپ, الەۋمەتتىك كارتالارى ازىرلەنىپ جاتقانىن مالىمدەدى.
"بالاباقشا رەتىندە سالىنعان عيمارات "ارال قاناتى-2020" كقك بالانسىندا تۇر. 90-جىلدارى تۇرعىندار مۇندا زاڭسىز ورنالاسقان. وسىعان وراي, الەۋمەتتىك كارتا ازىرلەنۋدە. ماسەلەن, مۇنداعى 7 پاتەر جالعا بەرىلىپ كەلگەن. قازىرگى كەزدە ءار وتباسىنىڭ الەۋمەتتىك جاعدايى انىقتالۋدا. وسى كارتا مەن كوميسسيانىڭ قورىتىندىسى بويىنشا ءتيىستى شارالار اتقارىلادى", - دەدى باۋىرجان ماحاتوۆ.
بۇگىندە ەۆاكۋاتسيالانعان وتباسىلار اۋداندىق جاستار رەسۋرستىق ورتالىعىنا جانە تۋعان-تۋىسقاندارىنىڭ ۇيىنە ورنالاستىرىلدى.
ەستەرىڭىزگە سالا كەتسەك, 17 ناۋرىز كۇنى ارال قالاسىندا ەكىقاباتتى ءۇيدى ءبولىپ تۇرعان بولىگى وپىرىلعان. عيمارات 1986 جىلى بالاباقشا رەتىندە سالىنىپ, 90-جىلدارى باسپاناسى جوق تۇرعىندار ءۇيدى يەمدەنىپ, قونىستانىپ العان. ەكى قاباتتى عيمارات 20 پاتەردەن تۇرادى, ونىڭ 15-دە عانا تۇرعىندار قونىستانىپ كەلگەن.
بۇگىنگى تاڭدا, اۋدان اكىمىنىڭ تاپسىرماسىمەن ارنايى كوميسسيا قۇرىلدى, تەكسەرۋ جۇرگىزىلەدى.
