«ماۋسىم ايىندا اينالمالى كۇيدىرۋ پەشىن جاعامىز, شىلدە ايىندا شيكىزات تاسۋعا ارنالعان تەمىر جول تۇيىعى دايىن بولادى» دەدى رۋدنىي تسەمەنت زاۋىتىنىڭ ديرەكتورى ارتەم ماكسالوۆ.
پەشتى جاعىپ كورۋ ءۇشىن شيكىزات الدىن الا اۆتووكولىكتەرمەن تاسىلعان. پەشتى جاعۋ تەحنولوگياسى بەلگورود تەحنيكالىق مەملەكەتتىك ۋنيۆەرسيتەتىنىڭ وكىلدەرىمەن بىرلەسىپ سىناقتان وتكەن. زاۋىت ديرەكتورىنىڭ ايتۋىنشا, مۇندا 400-ءشى ماركالى سۋلفاتتۇراقتى تسەمەنت وندىرەلەتىن بولادى. سونىمەن قاتار 500-ءشى ماركالى تسەمەنت تە شىعارىلادى. وتاندىق شيكىزات تسەمەنتتىڭ بەس ماركاسىن شىعارۋعا مۇمكىندىك بەرەدى.
بيىلعى جازدىڭ ورتاسىندا ءونىمىن بەرە باستايتىن زاۋىت تسەمەنتتىڭ باعاسىن يمپورتتىق بالامالاردان الدەقايدا ارزان ۇسىناتىن بولادى.
ءنازيرا جارىمبەت
«ەگەمەن قازاقستان»
رۋدنىي
