كەنشىلەر كامەرا, ديناميكا, وتتەك جانە مەتان قۇرىلعىلارىمەن جابدىقتالادى. ەكى قۇرىلىعى شامعا, تاعى ەكەۋى اككۋمۋلياتورعا ورناتىلادى. سونداي-اق شامعا بەينەكامەرا مەن ديناميك ورناتىلادى. وسىلايشا, ديسپەتچەر جەر استىنداعى جۇمىستاردىڭ قالاي ءجۇرىپ جاتقانىن جانە مەتان دەڭگەيىن باقىلاي الادى. ەگەر كەنشىلەردىڭ ءبىرى 15 مينۋتتان ارتىق قوزعالماسا, وندا بىردەن دابىلقاققىش قۇرىلعى ىسكە قوسىلادى.
جاڭا قاۋىپسىزدىك جۇيەسىن «ارسەلورميتتال تەمىرتاۋدىڭ» اتقارۋشى ديرەكتورى ۆاديم باسين «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆتىڭ كاسىپورىنعا جۇمىس ساپارى بارىسىندا تانىستىردى.
ء"بىز وسى جۇيەنى دايىنداعان سىبىردەگى سۋەك كومپانياسى ارنايى باردىق. بيىلعى جىلى ءبىز بۇل جۇيەنى شاحتالارىمىزدىڭ بىرىندە, كەلەسى جىلى تاعى ەكەۋىندە ەنگىزەمىز. وسىلايشا, 3-4 جىلدان سوڭ, مەنىڭ ويىمشا بارلىق سەگىز شاحتادا وسى قاۋىپسىزدىك جۇيەسى جۇمىس جاسايتىن بولادى",-دەپ ءتۇسىندىردى ۆاديم باسين.
ماۋلەن اشىمباەۆ جاڭاشىلدىقتى قولداپ, ەل ءۇشىن قازاقستاندىقتاردىڭ دەنساۋلىعى مەن وندىرىستەگى قاۋىپسىزدىگى ماڭىزدى ەكەنىن اتاپ ءوتتى. 10-شى ناۋرىزدا كوستەنكو اتىنداعى شاحتانىڭ جەلدەتۋ ءتۇيىسىمى ۋچاسكەسىندە ءورت شىققان بولاتىن. جۇمىسشىلار جەر بەتىنە شىعارىلدى, ەشكىم زارداپ شەككەن جوق. بۇگىنگى تاڭدا, «ارسەلورميتتال تەمىرتاۋدىڭ» حابارلاۋىنشا, شاحتاداعى جاعداي تۇراقتالدى, ءورت توقتاتىلدى. الدىن الا بولجام بويىنشا ورتكە «تابيعي قۇبىلىس» سەبەپ بولعان.
