عيمارات 1986 جىلى بالاباقشا رەتىندە سالىنىپ, 90-جىلدارى تۇرعىن ءۇي ماقساتىندا پايدالانۋعا بەرىلگەن.
الايدا, جەرگىلىكتى باسشىلىق تاراپىنان نىساننىڭ اپاتتى ەكەنى بىرنەشە رەت ەسكەرتىلگەنىنە قاراماستان, تۇرعىندار ءۇيدى يەمدەنىپ, قونىستانىپ العان. قازىرگى تاڭدا 20 پاتەرلى ءۇيدىڭ بەسەۋىندە ادام تۇرمايتىنى انىقتالدى. كۇردەلى جوندەۋدەن وتكىزۋ قاجەت ەكەن.
بۇگىنگى تاڭدا, وقيعا ورىن العان جەردە ءتيىستى جۇمىستار اتقارىلۋدا, 50 ادام جانە 3 اۋىر تەحنيكا جۇمىلدىرىلدى. 15 وتباسىنىڭ 8-ءى اۋداندىق جاستار رەسۋرستىق ورتالىعىنا ەۆاكۋاتسيالاندى, قالعان 7 وتباسى عيماراتتىڭ قاۋىپسىز اۋماعىندا تۇرىپ جاتىر. ەۆاكۋاتسيالانعان تۇرعىندار ىستىق تاماق جانە ءدارى-دارمەكپەن قامتاماسىز ەتىلدى.
اۋدان اكىمىنىڭ تاپسىرماسىمەن ارنايى كوميسسيا قۇرىلدى, الداعى ۋاقىتتا تەكسەرۋ جۇرگىزىلەدى.
