كونستيتۋتسياعا سايكەس, پرەزيدەنت 6 جىلعا سايلانادى. ويتكەنى الەۋمەتتىك-ەكونوميكالىق, ساياسي شەشىمدەر قابىلداپ, رەفورما جۇرگىزۋ ءۇشىن بۇرىنعى 4 جىلدىق مەرزىم از ۋاقىت سانالعاندىقتان, وعان تاعى ەكى جىل قوسىلعان بولاتىن. 6 جىلدىق مەرزىمگە ءبىرىنشى بولىپ ۆلاديمير پۋتين سايلانعان.
رەسەيدەگى پرەزيدەنت سايلاۋىنا قاتىسىپ جاتقان سەگىز كانديداتتىڭ اتى-ءجونى داۋىس بەرۋ بيۋللەتەنىنە الفاۆيتتىك ءتارتىپ بويىنشا ەنگىزىلگەن: سەرگەي بابۋرين ("روسسيسكي وبششەنارودنىي سويۋز" پارتياسى), پاۆەل گرۋدينين (رەسەي فەدەراتسياسى كوممۋنيستىك پارتياسى), ۆلاديمير جيرينوۆسكي (رەسەي ليبەرال-دەموكراتيالىق پارتياسى), ۆلاديمير پۋتين ء(وزىن ءوزى ۇسىنعان), كسەنيا سوبچاك ("گراجدانسكايا ينيتسياتيۆا" پارتياسى), ماكسيم سۋرايكين ("كوممۋنيستى روسسي" پارتياسى), بوريس تيتوۆ ("پارتيا روستا" ساياسي ۇيىمى) جانە گريگوري ياۆلينسكي ("يابلوكو" پارتياسى).
رەسەيدەگى سايلاۋ زاڭناماسى بويىنشا ەل پرەزيدەنتىن سايلاۋ جەرگىلىكتى ۋاقىتپەن ساعات 08:00-دەن 20:00 ارالىعىندا جۇرگىزىلەدى.
