تەمىرلان بايتەمىر, ايشات باقىتوۆا, ايدوس اۋباكىروۆ, ارمان سەرىكوۆ, باياز مەرۋەرت, نۇرعيسا, قاراتاي نۇربول, اسەمگۇل توقباەۆا اسەمگۇل, توقسانباي ارىستان, ءىلياس قۋاندىقوۆ, كارينا سابىرجانوۆا, انەل جارقۇمباەۆا, انەل سايداعالي, داريعا ساحيەۆا, حۋمىرزاح ۇلى يسا, البينا كوشىمحان, ايمان ءىلياسوۆا, سايا جەڭىس سياقتى 30-عا جۋىق وقۋشىلار قاتىستى. كۇيشى-دومبىراشىلاردىڭ ونەرىن باعالاۋعا ءادىل-قازىلار القاسى بولىپ بلىس ورتالىعىنداعى مۋزىكالىق كوللەدجدىڭ حالىق اسپاپتار ءبولىمىنىڭ مەڭگەرۋشىسى–رىسكۇل اساۋبايقىزى, يسا بايزاقوۆ اتىنداعى فيلورمونيانىڭ ءانشىسى باۋىرجان احمەتوۆ, دارىندى بالالارعا ارنالعان مۋزىكالىق مەكتەپ-ينتەرناتى قوبىز بەن جەتىگەن سىنىبىنىڭ مۇعالىمى ماقپال ساعىمبايقىزى تورەلىك جاسادى.
الدىمەن كۇي تارتىس ەرەجەسى بويىنشا, قازىلار القاسى كۇيشىلەردى جەكە-جەكە تىڭداپ الدى. رىسكۇل ساعىمبايقىزىنىڭ ايتۋىنشا, جاس دومبىراشىلاردىڭ كۇي تارتىستاعى ونەرلەرىنە بەرىلەتىن باعا: ورىنداۋ شەبەرلىگى, ارتىستىلىگى, ەكى قولدىڭ قويىلىمى, ساحنالىق كيىمى مەن ورىنداۋشىنىڭ ساحنا بەينەسى قاراپ باعالىنىپتى. كەلەسى كەزەكتە كۇيشىلەر جەكپە-جەك كەزدەسىپ, كۇي تارتىس تا باستالدى. كۇيشىلەر قۇرمانعازىنىڭ «بالبىراۋىن», «اداي», داۋلەتكەرەيدىڭ «تۇركىمەن», ر. جەلدىباەۆتىڭ «ەركە سىلقىم», دينانىڭ «توي باستار», حالىق كۇيى «كەلىنشەك» سياقتى توكپە كۇيلەردى, كەلەسى كەزەڭدە اتاقتى سۇگىردىڭ, تاتتىمبەت اتالارىنىڭ, تولەگەن مومبەكوۆ, قارشىعا احمەدياروۆ, سەكەن تۇرىسبەكوۆتىڭ شىعارمالارى شەرتپە كۇيلەردى ورىنداپ بەردى.
كوپشىلىگى ۇلتىمىزدىڭ سالت-ءداستۇرىن, ءان-كۇيىن ۇلىقتاعان ەلگە ورالعان ورالمان وتباسىلارىنىڭ ۇل-قىزدارى. اتادان بالاعا ميراس كۇيشىلىك, دومبىرانىڭ ونەر عۇمىرى سولتۇستىك وڭىردە دە جاڭعىرىپ جالعاسۋدا. جاھاندانۋ زامانى اينالانى قانشا قورشاپ, شىرماپ السا دا كىشكەنتايلارىنان قولدارىنا دومبىرا ۇستاپ, ۇلتتىق ونەردىڭ ۇمىتىلماۋى ءۇشىن كۇي ۇيرەنىپ, مۋزىكالىق مەكتەپتەرگە بارىپ, وقىپ جۇرگەن ۇل-قىزدارعا ريزا بولىپ, قىزىعا قارايسىڭ دا.
ءسويتىپ, كۇي تارتىس بايقاۋىنىڭ باس جۇلدەسى وبلىس ورتالىعىنداعى قۇرمانعازى اتىنداعى №1 بالالار مۋزىكا مەكتەبىنىڭ وقۋشىسى ايشات باقىتوۆاعا بەرىلدى.
- بۇل جەڭىسىمدى ۇستازىم قۋانىش مەيرام ۇلىنا ارنايمىن. كۇي تارتىستا تولەگەن مومبەكوۆتىڭ «سالتانات» كۇيىن ورىندادىم,-دەيدى ايشات.
ال, 1-ءشى ورىنعا ەكىباستۇزداعى بالالار مۋزىكا مەكتەبىنىڭ وقۋشىسى ارمان سەرىكوۆ, 2-ءشى ورىندى قارشىعا احمەدياروۆتىڭ «جىبەك جەتىسۋ» كۇيىن ورىنداعان وبلىس ورتالىعىنداعى №2 مەكتەبىنىڭ وقۋشىسى ايدوس اۋباكىروۆ پەن سەكەن تۇرىسبەكوۆتىڭ «كوڭىل تولقىنى» كۇيىن ورىنداعان №35 مەكتەپتىڭ وقۋشىسى داريعا ساحيەۆا يەلەنسە, 3-ءشى ورىندى ەرتىس اۋدانى بالالار ونەر مەكتەبىنىڭ وقۋشىسى ايمان ءىلياشۆا مەن وقۋشىلار سارايىنىڭ «جاس ەكپىن» دومبىرا ءانسامبلىنىڭ مۇشەسى اسەمگۇل توقباەۆالار الدى.
وقۋشىلار سارايىندا ەكى كۇن بويى قۇرمانعازىنىڭ «بالبىراۋىن», «اداي», «سارىارقا», داۋلەتكەرەيدىڭ «تۇركىمەن», ر. جەلدىباەۆتىڭ «ەركە سىلقىم», دينانىڭ «توي باستار» كۇيلەرى ورىندالدى. كۇي تارتىستىڭ قىزىعىن كورۋگە جينالعان كورەرمەن تولى زال كۇمبىرلەگەن دومبىرا ءۇنىن تىڭداپ, رۋحاني ءبىر دەمالعانداي. ساحنادا- وبلىستىڭ اۋىل, قالالارىنان جينالعان مەكتەپ وقۋشىلارى كۇيشىلىك, كۇي تارتۋ ونەرلەرىمەن تاڭقالدىردى.
فاريدا بىقاي
«ەگەمەن قازاقستان»
سۋرەتتى تۇسىرگەن اسەم ايىپ
