mfa.kz
«2017 جىلعى 28-29 قىركۇيەكتەگى قازاقستاننىڭ بولات سالاسىنداعى ساياساتىنا شولۋ قورىتىندىلارى بويىنشا بولات كوميتەتى ەىدۇ كەڭەسىنە قازاقستاندى قاۋىمداستىرىلعان مۇشە رەتىندە شاقىرۋ تۋرالى شەشىم قابىلداعان بولاتىن. بۇگىن ەىدۇ ءوتىنىشتى ماقۇلداعانى بەلگىلى بولدى», دەلىنگەن حابارلامادا.
ۆەدومستۆو وكىلدەرى قازاقستان تاراپى اتالعان كوميتەت مۇشەلىگىنە قابىلدانۋ بويىنشا 5 جىلدان بەرى قاجىرلى ەڭبەك ەتىپ كەلگەنىن ايتادى.
«ەىدۇ بولات كوميتەتىندەگى قاتىسۋ مارتەبەسىنىڭ ارتۋى قازاقستاننىڭ سالاداعى تەندەنتسيالاردى باقىلاۋىن مەيلىنشە جەڭىلدەتەدى. سونداي-اق, ەىدۇ ەنشىسىندەگى مول زەرتتەۋ-تالداۋ ماتەريالدارىنا شەكتەۋسىز قولجەتىمدىلىككە يە بولدىق», دەيدى يدم قىزمەتكەرلەرى.
ەىدۇ 1961 جىلى قۇرىلعان, ۇيىمعا 35 مەملەكەت, سونىڭ ىشىندە گەرمانيا, ۇلىبريتانيا, فرانتسيا, اقش, جاپونيا جانە اۋستراليا مۇشە. الەمدىك بولات ءوندىرىسىنىڭ 45%-ءى, ال ەكسپورتىنىڭ 75%-ءى ءدال وسى ەىدۇ-عا مۇشە مەملەكەتتەردىڭ ۇلەسىنە تۋرا كەلەدى.
