فوتو: Akorda.kz
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان سي ءتسزينپيندى قىتاي حالىق رەسپۋبليكاسىنىڭ توراعاسى لاۋازىمىنا قايتا سايلانۋىمەن قۇتتىقتادى.
قازاقستان پرەزيدەنتى بۇل وقيعانى ەلدىڭ ۇلتتىق مۇددەسىن ىلگەرىلەتۋ ىسىنە زور ۇلەس قوسقان سي تسزينپينگە قىتاي حالقىنىڭ جوعارى باعاسى رەتىندە اتاپ ءوتتى.
– قىتاي ءسىزدىڭ باسشىلىعىڭىزبەن ورتاشا اۋقاتتى قوعام قۇرۋ جولىندا بۇدان دا بيىك شىڭداردى باعىندىراتىنىنا سەنىمدىمىن. كەلەشەكتە قازاقستان مەن قىتايدىڭ ءتۇرلى سالالارداعى ستراتەگيالىق ارىپتەستىگى قارقىندى دامي بەرەتىنىنە جانە حالىقتارىمىزدىڭ دوستىعى ودان ءارى نىعايا تۇسەتىنىنە ەش كۇمانىم جوق. وسىعان وراي ءوزارا سەنىم مەن تۇسىنىستىككە نەگىزدەلگەن ءبىزدىڭ جەكە دوستىعىمىزدىڭ ماڭىزى ەرەكشە. ارامىزداعى قارىم-قاتىناستارىمىز بەن بىرلەسكەن جۇمىسىمىز كەلەشەكتە استانا مەن پەكيننىڭ جەمىستى ىنتىماقتاستىعىنىڭ بەرىك تىرەگى بولاتىنىنا كامىل سەنەمىن, – دەلىنگەن جەدەلحاتتا.
نۇرسۇلتان نازارباەۆ سي تسزينپينگە زور دەنساۋلىق, باق-بەرەكە تىلەپ, دوستاس قىتاي حالقىنىڭ وركەندەۋى مەن دامۋىنا نيەتتەستىك ءبىلدىردى.
