ءىس-شاراعا ەتنومادەني بىرلەستىكتەردىڭ توراعالارى, انالار كەڭەسىنىڭ, عىلىمي-ساراپتامالىق توپتىڭ, قاراعاندى وبلىستىق قحا جاستار ۇيلەستىرۋشى كەڭەستەرىنىڭ مۇشەلەرى, ساياسي پارتيالاردىڭ وبلىستىق فيليالدارىنىڭ جەتەكشىلەرى جانە باق وكىلدەرى قاتىستى.
پرەزيدەنتتىڭ بەس الەۋمەتتىك باستاماسىنىڭ نەگىزگى ەرەجەلەرى تالقىلانعان باسقوسۋدا قاراعاندى وبلىستىق قازاقستان حالقى اسسامبلەياسى حاتشىلىعىنىڭ باسشىسى ەرلان قۇسايىن ەلباسى ۇندەۋىنىڭ زامان تالابىمەن ۇيلەسىم تاپقان مازمۇنىنا توقتالىپ, يگى جوبالاردىڭ ماڭگىلىك ەل بولۋعا ۇمتىلعان قازاقستان ءۇشىن قانشالىقتى ءمانى زور ەكەنىن تارقاتا ايتىپ بەردى. «ەلباسى ن.نازارباەۆتىڭ بەس الەۋمەتتىك باستاماسى مەملەكەتىمىزدىڭ ءاربىر ازاماتىنىڭ الەۋمەتتىك-ەكونوميكالىق ءال-اۋقاتىن نىعايتۋعا مۇمكىندىك بەرەدى, ويتكەنى بۇل سالا تاۋەلسىز قازاقستاننىڭ كونفەسسياارالىق كەلىسىمى مەن بىرلىگىن ودان ءارى كۇشەيتە تۇسۋگە نەگىز قالايتىن ىرگەتاس بولىپ تابىلادى», دەپ اتاپ ءوتتى ول.
سونىمەن قاتار وبلىستىق قحا انالار كەڭەسىنىڭ ءتورايىمى د.كاساپيدي بەس الەۋمەتتىك باستامانىڭ ومىرلىك ماڭىزى بار سالالاردى جاڭعىرتۋداعى جاڭا دا جاقسىلىعى مول قادامدار ەكەنىن اتاپ ءوتتى.
ءىس-شاراعا قاتىسۋشىلار «پرەزيدەنتتىڭ بەس الەۋمەتتىك باستاماسى» اتتى ۇندەۋى جونىندە ءوز پىكىرلەرىن ورتاعا سالىپ, تۇرعىندار الەۋەتىن جاقسارتۋعا باعىتتالعان كەلەشەگى كەمەل باستامانى ءبىراۋىزدان قولدادى.
قايرات ءابىلدا,
«ەگەمەن قازاقستان»
قاراعاندى
