پرەزيدەنتتىڭ بەس الەۋمەتتىك باستاماسى تۋرالى حالىقارالىق ساراپشىلار پىكىرى

قازاقستان ءۇشىن ءتيىمدى باستاما

سانتوش كۋمار,
سينگاپۋر ءباسپاسوز كلۋبىنىڭ قۇرمەتتى حاتشىسى

قاي قوعامدا بولسىن ماتەريال­دىق پايدا نەگىزگە رولگە يە, الايدا الەۋمەتتىك بىرلىكتىڭ ومىرلىك ما­ڭىزى زور. وسى ورايدا قازاق­ستان پرەزيدەنتى نۇرسۇلتان نازارباەۆ حالىقتىڭ الەۋمەتتىك وسال توپتارىنىڭ ءومىر ءسۇرۋ جاع­دايىن جاقسارتۋ قاجەت ەكەنىن جاق­سى تۇسىنەدى. بۇل, سونداي-اق ەل­دىڭ ەكونوميكالىق وسىمىنە سەپتى­گىن تيگىزەدى. وسىلايشا, ول تۇر­عىن ءۇي, جوعارى ءبىلىم بەرۋ, جالاقى­نى كوتەرۋ جانە مۇقتاج جان­دار­دىڭ ءومىر ءسۇرۋ جاعدايىن جاقسارتۋ سياقتى حالىقتىڭ نەگىزگى سۇرانىستارىن قاناعاتتاندىرۋعا باسا نازار اۋدارۋدا. پرەزيدەنت ەلدى جالپى جاڭ­عىرتۋمەن قاتار, دامۋدىڭ بارلىق باعىتتارىن قامتۋدى كوزدەپ وتىر.

پرەزيدەنت حالىقتىڭ الەۋمەتتىك وسال توپتارىنىڭ مۇڭ-مۇقتاج­دارىن, ولاردى نە الاڭداتاتىنىن تەرەڭ تۇسىنگەندىكتەن ناقتى شارالار قابىلداۋدا. مەملەكەت باسشىسى­نىڭ «پرەزيدەنتتىڭ بەس الەۋمەتتىك باس­تاماسىن» جاريالاۋى از قورعال­عان ساناتتارعا قامقورلىق كورسەتۋ ارقىلى تەڭ مۇمكىندىكتەر ۇسىنۋدىڭ ايقىن مىسالى بولىپ تابىلادى. قازاقستان بۇل باستامالاردان تەك پايدا تابادى. ويتكەنى, مەملەكەتتىڭ قولداۋى ەلدىڭ ءارى قارايعى دامۋىندا حالىقتىڭ اۋىزبىرشىلىكتە بولۋىن قامتاماسىز ەتەدى. 

ەل دامۋىنىڭ ناقتى باعدارى

اريەل كوەن,
ساياساتتانۋشى (اقش)

قازاقستان پرەزيدەنتى نۇرسۇلتان نازارباەۆتىڭ بيىلعى ناۋرىز ايىنىڭ باسىندا ەل حالقىنا ارنا­عان «پرەزيدەنتتىڭ بەس الەۋمەتتىك باستاماسى» اتتى ۇندەۋىندە ايتىلعان الەۋمەتتىك جاڭعىرۋعا قاتىستى مىندەتتەردى جۇزەگە اسىرۋ قازاقستاندى جاڭا بەلەسكە كوتەرەدى. ناقتى­لاي ايتقاندا, بۇل ماڭىزدى الەۋمەتتىك باستامالار قازاق­ستاننىڭ الەۋمەتتىك دامۋىن جانە الەۋمەتتىك تۇراقتى­لىعىن قامتاماسىز ەتەتىن ماڭىزدى ءارى ۇلكەن قادام.
ۇندەۋدە قامتىلعان ميكرونەسيەلەۋ, ءبىلىم بەرۋ ساپاسىن ارتتىرۋ, سالىق جۇكتەمەسىن تومەندەتۋ, حالىقتى باسپانامەن قامتۋ ماسەلەلەرى مەملەكەت تاراپىنان ەل تۇرعىندارىنىڭ ءال-اۋحاتىن جاقسارتۋ ماقساتىندا جاسالعان يگى شارالار بولىپ تابىلادى. سونداي-اق بۇل ءوز كەزەگىندە قازاقستاننىڭ ەكونوميكالىق تۇرعىدا دامۋ دەڭگەيىن جاقسارتۋعا وڭ ىقپالىن تيگىزەدى.