ايماقتار • 15 ناۋرىز, 2018

پاتشا زامانىنداعى پۇل (جادىگەر)

360 رەت
كورسەتىلدى
1 مين
وقۋ ءۇشىن

جامبىل وبلىسى, ت.رىس­قۇ­لوۆ اۋدانىنداعى مۋزەي­دىڭ عيماراتى وڭىردەگى ەڭ كونە نى­سان­داردىڭ بىرىنەن سانالا­دى. اۋەلى پوشتا بەكەتى, ودان كەيىن ورىس-تۇزەمدىك مەك­تەپ, ءارى قاراي لۋگوۆوي ورىس مەك­­تەبى بول­عان عيماراتتىڭ سا­لىن­­­عا­نىنا 117 جىل بولىپتى. ال 2015 جىلى 1 مامىردان باس­تاپ جام­بىل وبلىستىق تاريحي-ول­كەت­انۋ مۋزەيىنىڭ ت.رىسقۇلوۆ اۋ­دان­دىق بولىمشەسى وسى عيماراتقا كو­شىرىلدى.

پاتشا زامانىنداعى پۇل (جادىگەر)

امىرە سۇلتانبەكوۆتىڭ باس­تا­ماسىمەن 1983 جىلى قو­عام­دىق نەگىزدە اۋداندىق مۋ­زەي قۇ­رىلىپ, ول جەرگە ءۇش مىڭ­نان استام جادىگەر جينالا­دى. ت.رىسقۇلوۆ اۋداندىق مۋ­زەيى­نىڭ مەڭگەرۋشىسى ەسنازار قۇرىمباەۆتىڭ ايتۋىن­شا, بۇ­گىندە مادەني مەكەمەدە حال­­­قى­مىزدىڭ تەرەڭ تاريحىنان سىر شەرتەتىن, ەستە جوق ەسكى زا­مان­­داردىڭ كۋاگەرى ىسپەتتى توعىز مىڭ­نان استام جادىگەر بار.

ارينە, ول جادىگەرلەردىڭ كىم-كىمدى دە قى­زىق­تىرماي قويماسى انىق. دەي تۇر­­عانمەن, مۇندا كەلۋشىلەردى پات­شا زامانىنداعى اقشالار قىزىقتىرادى ەكەن. ماسەلەن 1909, 1917, 1918 جىلى شىققان كونە پۇل­دار ءالى كۇنگە دەيىن وسى جەردە ساقتاۋلى. زامانىندا باي­لار­دىڭ, كو­پەستەردىڭ قال­تاسىندا قو­بى­راپ جۇر­گەن اق­شالار بۇگىندە تا­ريحقا اي­نالىپ, جادىگەر ەسەبىندە مۋ­زەي تو­­رىندە تۇر. بۇل كۇندە اب­دەن تو­زى­عى جەتكەن اقشالار تاريح قوي­ناۋىنا ءسىڭىپ, مەكەمەنىڭ قىم­بات قازىنالارىنىڭ ءبىرى رەتىندە ساق­تالعان.

حاميت ەسامان,

«ەگەمەن قازاقستان»

جامبىل وبلىسى

سوڭعى جاڭالىقتار