15 ناۋرىز, 2018

وسكەمەندە وزگەشە اكتسيا وتەدى

214 رەت
كورسەتىلدى
1 مين
وقۋ ءۇشىن

شىعىس قازاقستان وبلىستىق تىلدەردى دامىتۋ جونىندەگى باسقارماسى مەن وسكەمەندەگى دراما تەاتر اكتەرلەرىنىڭ بىرلەسۋىمەن 22 ناۋرىز كۇنى شاھارداعى رەسپۋبليكا الاڭىندا «لاتىن گرافيكاسى – وركەنيەت جازۋى» اتتى اكتسيا ۇيىمداستىرىلماق.


وسكەمەندە وزگەشە اكتسيا وتەدى

«رۋحاني جاڭعىرۋ» باعدارلاماسىن جۇزەگە اسىرۋ اياسىندا وتكىزىلەتىن شارانىڭ ماقساتى – لاتىن گرافيكاسىنداعى جاڭا ءالىپبيدىڭ ءمان-ماڭىزىن كوپشىلىككە تانىستىرۋ, تۇرعىنداردىڭ جاڭا الىپبيگە قىزىعۋشىلىعىن ارتتىرۋ. ۇلىستىڭ ۇلى كۇنىندە تاڭعى ساعات 10.00-دە باستالاتىن اكتسيا بارىسىندا جاڭا ءالىپبي نەگىزىندە جازۋ داعدىسىن قالىپتاستىرۋعا ارنالعان بىرنەشە كەزەڭنەن تۇراتىن ويىندار ۇيىمداستىرىلادى. جەڭىمپازدار ءتۇرلى سىيلىقتارمەن ماراپاتتالادى. باس جۇلدە - قازاقتىڭ قارا دومبىراسى», - دەيدى شارانى ۇيىمداستىرۋشىلاردىڭ ءبىرى, وسكەمەندەگى جاستار تەاترىنىڭ اكتەرى ەدىگە اقىلبەكوۆ.

ازامات قاسىم,

«ەگەمەن قازاقستان»

وسكەمەن

 

سوڭعى جاڭالىقتار