وبلىس اكىمى وسى ىسكە قاتىستى جوعارى شەندى شەنەۋنىكتەر جۇمىستان قۋىلعانىن مالىمدەدى.
"سارىاعاش اۋداندىق جەرگىلىكتى پوليتسيا قىزمەتىنىڭ باسشىسى بەردالى ورازگەلديەۆ قىزمەتىنەن بوساتىلدى. ءىىد باسشىسىنىڭ بۇيرىعىمەن مەكتەپ ينسپەكتورى ناريمان جۇماباەۆ قىزمەتىنەن بوساتىلدى. وبلىس اكىمىنىڭ ورىنباسارى ۇلاسبەك سادىبەكوۆكە قاتاڭ ەسكەرتۋ جاسالدى. سارىاعاش اۋدانىنىڭ اكىمىنە قاتاڭ سوگىس جاريالاندى. وبلىستىق ءبىلىم ءبولىمىنىڭ باسشىسى يساتاي ساعىندىقوۆقا سوگىس جاريالاندى", - دەدى وبلىس اكىمى.
«اۋدانداعى جاعدايدى دەر كەزىندە نازارعا الىپ, ءتيىستى شارا قابىلداماعان اۋدان اكىمى قايرات ابدۋاليەۆكە قاتاڭ سوگىس جاريالايمىن. بۇدان بولەك, سول سالاعا جاۋاپتى اۋدان اكىمىنىڭ ورىنباسارى قۇدىرەت قىستاۋباەۆقا شارا قولدانۋدى جانە سارىاعاش اۋداندىق ءبىلىم ءبولىمىنىڭ باسشىسى باۋىرجان مايريحوۆ پەن №73, №74 جالپى ورتا مەكتەپ ديرەكتورلارىن تەرگەۋ امالدارى اياقتالعانشا جۇمىستان شەتتەتۋدى تاپسىرامىن», - دەدى جانسەيىت تۇيمەباەۆ.
سونداي-اق اكىم اتالعان ماسەلە بويىنشا ەكسپەرتتىك كوميسسيا اۋداندا جانە وبلىستا ەكى رەت مەديتسينالىق تەكسەرۋلەر جۇرگىزىپ, قورىتىندى بويىنشا بالانىڭ زورلانعاندىعى راستالماعانىن ءمالىم ەتتى.
جيىن بارىسىندا ءوڭىر باسشىسى الداعى ۋاقىتتا بۇل ماسەلە قاتاڭ باقىلاۋعا الىنىپ, وڭىردەگى بارلىق ءبىلىم مەكەمەلەرىندە پروفيلاكتيكالىق جۇمىستار جۇرگىزىلەتىنىن ايتتى.
