ناقتى ايتقاندا, الماتىلىقتار «DOC Co.LTD» جشس جەرگىلىكتى ءوندىرىسىنىڭ كارتريدجدەرىن, «Almapack Co.LTD» جشس قوسپالارعا ارنالعان قاعاز قاپتاردى, «BRB APK» جىلىجاي كەشەنىنىڭ بالعىن كوكونىستەرىن ساتىپ الۋعا كوشتى.
كاسىپورىندار ىسكە قوسىلعان ساتتەن باستاپ 3,2 ميلليارد تەڭگەنىڭ ءونىمىن ءوندىردى. قالا بيۋدجەتىنە 107 ميلليون تەڭگە قارجى قۇيىپ, 252 جاڭا جۇمىس ورنىمەن قامتاماسىز ەتتى. قازىر ىسكە قوسىلعان وسى 3 نىسان مەن 2018 جىلدىڭ سوڭىنا دەيىن 12 جوبانى قوسىمشا ەنگىزۋ ناتيجەسىندە سالىق مولشەرى 1 ميلليارد تەڭگەدەن اسادى دەپ كۇتىلۋدە.
– يندۋستريالىق ايماقتى دامىتۋ قالالىق اكىمدىكتىڭ باستى نازارىندا تۇر. ونەركاسىپتىك ايماقتى دامىتۋداعى اۋقىمدى جۇمىستار ناتيجە بەرە باستادى. مىسالى, اعىمداعى جىلى ينفراقۇرىلىمداردىڭ قۇرىلىسىن 62 پايىزعا, ال 2019 جىلى تولىعىمەن اياقتاۋدى جوسپارلاپ وتىرمىز. سول ۋاقىتقا قاراي جۇمىسى اياقتالعان جوبالاردى قاپەرگە الا وتىرىپ, تاعى 22 ينۆەستيتسيالىق جوبانى ىسكە اسىرۋ جوسپارلانعان, – دەدى ونەركاسىپ كاسىپورىندارى قىزمەتىنىڭ مونيتورينگ ءبولىمىنىڭ باسشىسى رۇستەم ۆوروشيلوۆ.
بيزنەستى ءتيىمدى جۇرگىزۋ ءۇشىن جاسالعان جاعدايلار مەن ينفراقۇرىلىمنىڭ ءىس جۇزىندە تولىق دايىندىعى شەتەلدىك جانە قازاقستاندىق ينۆەستورلاردىڭ الماتى يندۋستريالىق ايماعىنا دەگەن ۇلكەن قىزىعۋشىلىعىن تۋدىرادى. وتكەن جىلى وتىنىشتەردىڭ سانى 2016 جىلمەن سالىستىرعاندا 3 ەسەگە ارتتى. ينۆەستورلاردى كاسىپكەرلىكتى قولداۋ كارتاسىنىڭ كومەگىمەن رۇقسات قاعازدارىن رەسىمدەۋ مەن جىلدامداتۋ بويىنشا اكىمشىلىك كەدەرگىلەردىڭ تومەندەتىلگەنى قىزىقتىرادى. بۇدان باسقا بارلىق وسىنداي كاسىپورىندار الماتى يندۋستريالىق ايماعىنىڭ ءبىر كلاستەرلىك سەكتورىندا ورنالاسقان. سونداي-اق قالا اكىمى باۋىرجان بايبەكتىڭ تاپسىرماسى بويىنشا «يندۋستريالىق ايماق» جشس جۇمىس توبى جانە باسقارۋشى كومپانياسى قۇرىلدى. ونىڭ مىندەتى جوبانى ىسكە اسىرۋدى جەدەلدەتۋدە ينۆەستورلاردى قولداۋ جانە ولارعا بارىنشا كومەك كورسەتۋ بويىنشا ءاربىر ينۆەستورمەن ناقتى جۇمىس جۇرگىزۋ بولىپ تابىلادى.
بۇگىندە الماتى يندۋستريالىق ايماعىنىڭ اۋماعىندا 70 گەكتار بوس جەر تەلىمى بار. ال 200 گەكتاردان استام جەر تەلىمى ينۆەستيتسيالىق جوبالاردى ىسكە اسىرۋ ءۇشىن كاسىپكەرلىك سۋبەكتىلەرىنە ءبولىنىپ بەرىلدى.
ايناش ەسالي,
«ەگەمەن قازاقستان»
الماتى
