ءتۇنى بويى جاۋعان جاڭبىر اياق استى مۇزعا اينالىپ, اۋا-رايى كوكتەمگى ەرەكشەلىكتەرىن ەندى بىلدىرە باستادى. سەمەيدە كوكتايعاققا وراي, 1-11 سىنىپ وقۋشىلارى مەن كوللەدج ستۋدەنتتەرىنە ساباققا بارۋعا تىيىم سالىندى. بىراق, ەرەسەكتەر ءۇشىن جۇمىس كۇنى جالعاسۋدا. قالاداعى جەدەل جاردەم اۋرۋحاناسىنداعى تراۆماتولوگيا ءبولىمىنىڭ مەدبيكەسى اسەل مۋسينانىڭ ايتۋىنشا, مۇندا كەلىپ تۇسكەندەر ىشىندە ءارتۇرلى جاراقات العاندار بار. قابىرعالارى سىنعاندار دا كەزدەسەدى. قازىرگى ۋاقىتتا بولىمگە كوشەدە كەلە جاتىپ, تايىپ جىعىلعان 18 سەمەيلىك كەلىپ ءتۇسىپتى. ولارعا دەرەۋ العاشقى كومەك كورسەتىلگەن. التاۋىنىڭ سۇيەگى سىنسا, قالعاندارىنىڭ ەتى كوگەرىپ, اياق, قول, كەۋدە تۇستارى ءىسىپ كەتكەن. تراۆماتولوگ دارىگەرلەر بارلىعىنا جانتالاسا كومەك كورسەتۋدە. قازىر جاعدايلارى قالىپتى. مۇزتايعاقتا اباي بولۋدى اق حالاتتى ابزال جاندار ەرەكشە ەسكەرتىپ جاتىر.
راۋشان نۇعمانبەكوۆا,
سۋرەتتى تۇسىرگەن اۆتور
سەمەي
