پرەزيدەنتتىڭ بۇگىنگى ۇندەۋى ءدال وسى اتالعان مىندەتتەردى شەشۋگە باعىتتالعان. ماسەلەن حالىقتىڭ قالىڭ توپتارى ءۇشىن يپوتەكانىڭ قولجەتىمدىلىگىن ارتتىرۋ ءۇشىن مەملەكەت باسشىسى «7 – 20 – 25» بىرەگەي باعدارلاماسىن ۇسىنىپ وتىر, بۇل قازاقستاندىقتاردى تۇرعىن ۇيمەن قامتاماسىز ەتىپ قانا قويماي, سونداي-اق مۋلتيپليكاتيۆتىك اسەر ارقىلى ەكونوميكانىڭ دامۋىنا جاڭا سەرپىن بەرەتىن بولادى.
قازىرگى ۋاقىتتا ءتورتىنشى ونەركاسىپتىك رەۆوليۋتسيا جاعدايىندا جۇرگىزىلىپ جاتقان ءىس-شارالاردى بىلىكتى كادرلارسىز ىسكە اسىرۋ مۇمكىن بولمايدى. وسىنى ەسكەرە وتىرىپ, مەملەكەت باسشىسى ءبىلىم بەرۋدىڭ قولجەتىمدىلىگى مەن ساپاسىنا ايرىقشا نازار اۋدارۋدى ۇسىنىپ وتىر. بولىنگەن مەملەكەتتىك گرانتتارعا قوسىمشا بولىنەتىن 20 مىڭ گرانت ەلدىڭ ەكونوميكاسىن جاڭعىرتۋ مىندەتتەرىن شەشۋ ءۇشىن جوعارى ساناتتى تەحنيكالىق مامانداردىڭ كەلۋىن قامتاماسىز ەتۋگە ءتيىس.
ازاماتتارىمىزدىڭ ماتەريالدىق ءال-اۋقاتى جونىندە ايتقان كەزدە ەلباسى جۇمىسكەرلەردىڭ جالاقىسى تومەن ساناتتارى ءۇشىن سالىق سالۋدى قايتا قاراۋ قاجەتتىلىگىن ەرەكشە اتاپ كورسەتتى, بۇل جۇمىس بەرۋشىلەرگە تۇسەتىن جۇكتەمەنى ۇلعايتپاي, ولاردىڭ ەڭبەگىنە تولەنەتىن اقىنى ارتتىرۋعا مۇمكىندىك بەرەدى. سونىمەن بىرگە, ميكروكرەديت بەرۋدى كەڭەيتۋ, اسىرەسە, حالىقتىڭ باسىم بولىگىن ءوزىن ءوزى جۇمىسپەن قامتىعان ادامدار قۇرايتىن اۋىلدىق جەردە شاعىن جانە ورتا بيزنەستىڭ دامۋىنا سەرپىن بەرەدى.
ساپارحان وماروۆ,
ءماجىلىس دەپۋتاتى, اگرارلىق ماسەلەلەر كوميتەتىنىڭ توراعاسى
