اتالعان زاڭ جوباسىمەن جۇمىس بارىسىندا گازبەن جابدىقتاۋ جۇيەسى وبەكتىلەرىنىڭ قاۋىپسىز پايدالانىلۋىن قامتاماسىز ەتۋ ماسەلەلەرى گاز نارىعى سۋبەكتىلەرىنىڭ ۇلكەن الاڭداۋشىلىعىن تۋعىزىپ وتىر.
2014 جىلى ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ تۇرمىستىق باللوندار مەن گازبەن جابدىقتاۋ جۇيەلەرى وبەكتىلەرىن قاۋىپسىز پايدالانۋ تالاپتارىنىڭ ساقتالۋىنا باقىلاۋ جۇرگىزۋ جونىندەگى قۇزىرەتى الىپ تاستالعان بولاتىن. وسىنىڭ سالدارىنان گاز نارىعى سۋبەكتىلەرىنىڭ قاۋىپسىزدىك تالاپتارىن ساقتاۋىنا باقىلاۋ جۇرگىزۋ مۇلدەم جوعالدى. باقىلاۋ جوقتىقتىڭ كەسىرىنەن تەك سوڭعى ءبىر جىلدا عانا قازاقستاندا 91 رەت گاز باللوندارى جارىلىپ, سونىڭ كەسىرىنەن 9 ادام قازا تاۋىپ, 100 ادام زارداپ شەككەن.
قازىرگى ۋاقىتتا ۇكىمەت گازبەن جابدىقتاۋ جۇيەلەرىنىڭ وبەكتىلەرىن قاۋىپسىز پايدالانۋ ماسەلەسىن شەشۋ ءۇشىن تيىسىنشە وكىلەتتىكتەردى تۇرعىن ءۇي ينسپەكتسيالارىنا جۇكتەۋدى جوسپارلاپ وتىر.
الايدا قاۋىپسىزدىك ماسەلەلەرى گاز تۇتىنۋشى جۇيەلەر مەن تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز جابدىقتارىنا قاتىستى عانا ەمەس, كەشەندى تۇردە شەشىلۋى قاجەت ەكەنىن تاجىريبە كورسەتىپ وتىر. تۇرعىن ءۇي ينسپەكتسيالارىنىڭ وكىلەتتىكتەرى گاز قۇبىرلارى, گاز تولتىرۋ پۋنكتى جانە اۆتوگاز قۇيۋ ستانساسى سياقتى وبەكتىلەردى باقىلاۋعا جەتكىلىكتى بولمايتىنى ءسوزسىز. ياعني, پروبلەما بۇل جەردە بىرجاقتى عانا شەشىلەتىن بولادى جانە ازاماتتار ءۇشىن العاشقى قاۋىپ كوزدەرى نازاردان تىس قالادى.
وسىعان بايلانىستى, ءبىز ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ نەمەسە جەرگىلىكتى اتقارۋشى ورگانداردىڭ جانىنان گاز-تەحنيكالىق ينسپەكتسيالارىن قۇرۋعا باعىتتالعان جەدەل شارالار قابىلداۋ قاجەت ەكەنىن ايتىپ, ۇكىمەت باسشىسى ب.ساعىنتاەۆقا دەپۋتاتتىق ساۋال جولدادىق. ەگەر وسىنداي قۇرىلىم جاراقتالسا تۇرمىستىق باللونداردى جانە گازبەن جابدىقتاۋ جۇيەلەرىنىڭ وبەكتىلەرىن قاۋىپسىز پايدالانۋ تالاپتارىنىڭ ساقتالۋىنا باقىلاۋدى جۇزەگە اسىراتىن بولار ەدى.
شاۆحات وتەمىسوۆ,
ءماجىلىس دەپۋتاتى
