1918 جىلى دۇنيە ەسىگىن اشىپ, 1948 جىلى نەبارى وتىز جاسىندا قانت قىزىلشاسىنان رەكوردتى ءونىم الىپ ەڭبەك ەرى اتانعان كەيۋانانىڭ ءومىر جولى ونەگەگە تولى. بالالىق, جاستىق شاعى اشارشىلىق, قۋعىن-سۇرگىن, سوعىس زۇلماتتارىنا تاپ كەلسە دە ءمارزيا يبراگيموۆا ءوزىنىڭ ءبىر عاسىرلىق بەلەسىنە ابىرويمەن اياق باستى. ەكى ۇل, ءۇش قىز تاربيەلەپ ءوسىرىپ, بۇگىندە نەمەرە-شوبەرە ءسۇيىپ وتىرعان باقىتتى اجە.
داڭقتى جەرلەسىمىزدى عاسىر تويىمەن جامبىل وبلىسىنىڭ اكىمى اسقار مىرزاحمەتوۆ ۇيىنە ارنايى قۇتتىقتاپ بارىپ, سىي-سياپات كورسەتتى. اكىم قارت ديقاننىڭ ەڭبەكتەگى ەرلىگىن, ونەگەلى ءومىرىن ءاربىر قازاق بالاسى وزىنە ۇلگى تۇتاتىنىن جەتكىزدى. اڭىز ادام ارنايى قۇتتىقتاپ كەلگەن اكىمگە اق باتاسىن بەرىپ, ريزاشىلىعىن ءبىلدىردى. ءاردايىم ەلىمىزدىڭ تىنىشتىعىنا, بىرلىگى مەن تاتۋلىعىنا شۇكىرشىلىك ەتەتىنىن جەتكىزدى.
حاميت ەسامان,
«ەگەمەن قازاقستان»
جامبىل وبلىسى
