الەۋمەتتىك جاعدايدى جاقسارتۋ – نەگىزگى مىندەت

وسى سالا باسشىلىعىنا جاڭادان تاعايىندالعان م.ابىلقاسىموۆا بۇدان بىرنەشە كۇن بۇرىن ۆەدومستۆونىڭ جۇ­مىس جوسپارلارى تۋرالى جيىن وتكىزۋى مۇڭ ەكەن, جۋرناليستەر ونى قازاقشا بىل­­مەي­دى دەپ ايىپتاعان بولاتىن. بۇدان قورى­تىندى شىعاردى ما, مينيستر القا وتىرى­سىن تەك قازاقشا جۇ­رگى­زىپ, بايان­داما­سىنىڭ جارتىسىن دا مەم­لەكەتتىك تىلدە وقىدى.

سونىمەن اۋەلى مينيسترلىكتىڭ وتكەن جىلى اتقارعان شارۋالارىنا توقتال­عان م.ابىلقاسىموۆا بىلتىر ەڭبەك نارىعىنداعى كورسەتكىشتەر تولىعىمەن جاقسارعانىن, جۇمىسسىز تۇرعىنداردىڭ سانى سوڭعى ون جىل ىشىندە 180 مىڭعا ازايعانىن اتاپ ءوتتى. بۇگىندە ەلىمىزدەگى جۇمىسسىزدىق دەڭگەيى – 4,9 پايىزدى قۇراپ وتىر. ءمينيستردىڭ ايتۋىن­شا, بۇل تاۋەلسىزدىك العان جىلدار ىشىن­­دەگى ەڭ تومەنگى كورسەتكىش ەكەن. ال ايەل­دەر مەن جاستار اراسىنداعى جۇ­مىس­سىز­­دىق دەڭگەيى 5,4 پايىزدى قۇراسا, جۇ­مىس كۇشىنىڭ سانى 8 980 ادام­عا جەت­كەن. قازىرگى تاڭدا جۇمىس ىستەيتىن­دەر­دىڭ قاتارى 1,8 پايىزعا وسسە, ءوزىن ءوزى جۇمىسپەن قامتىعان ادامداردىڭ قاتارى 4,5 پايىزعا ازايعان.

ءبىر جۇمىسكەردىڭ ورتاشا ايلىق جال­­اقىسى 147 988 تەڭگەگە جەتىپ, 3,6 پا­يىز­عا ارتقان. 2017 جىلدىڭ 11 ايىن­داعى باعالاۋ بويىنشا تۇرعىنداردىڭ جان باسىنا شاققانداعى نومينالدى تا­بى­سى 6 پايىزعا ءوسىپ, 79 727 تەڭگەنى قۇراپ­­تى. وسىلايشا مەملەكەت بىلتىر الەۋ­­مەتتىك مىندەتتەمەلەردىڭ ءبارىن ورى­ن­­­داعان كورىنەدى. وسى ماقساتتارعا رەسپۋب­­لي­كالىق بيۋدجەتتەن 2,1 ترلن تەڭگە بولىنگەن.

بۇدان كەيىن مينيستر بيىل قولعا الى­ناتىن جۇمىستارعا توقتالدى. مي­نيسترلىك الدىندا تۇرعان مىندەتتەردى جۇزە­گە اسىرۋ بارىسىندا ەلباسىنىڭ جول­داۋىندا ايتىلعان تاپسىرمالاردى باسىم باعىت رەتىندە ۇستاناتىنىن ايتقان م.ابىلقاسىموۆا ەڭ ءبىرىنشى حالىقتى ناتيجەلى جۇمىسپەن قامتۋ­عا كوبىرەك كوڭىل بولىنەتىنىن جەتكىز­دى. وسى ورايدا نەگىزگى تەتىك رەتىندە «ناتيجەلى جۇمىسپەن قامتۋ مەن جاپپاي كاسىپكەرلىكتى دامىتۋدىڭ 2021 جىلعا دەيىنگى مەملەكەتتىك باعدارلاما­سى» باسشىلىققا الىنباق. اتالعان باعدا­ر­لاما بيىل 571 مىڭ ادامدى قام­تىپ, سونىڭ ىشىندە جۇمىسسىز جۇرگەن, وزدىگىنەن كۇن كورىپ جۇرگەن 300 مىڭ­نان استام ازاماتتى تۇراقتى جۇمىسقا ورنالاستىرۋدى كوز­دەپ وتىر. اسىرەسە كاسىبىن اشقىسى كەل­گەن جاندارعا قولداۋ كورسەتىلمەك. جو­با­مەن بيىل 7,5 مىڭ ازاماتقا شاعىن نەسيە­لەر بەرىلىپ, 3 مىڭىنا قايتارىمسىز گرانت ۇسىنىل­ماق. بۇعان قوسا 15 مىڭ قازاق­ستان­دىق «اتامەكەن» ۇكپ جوبالارى بويىنشا بيز­نەس نەگىزدەرىنە وقىتىلاتىن بولادى.

جۇمىستىڭ ەكىنشى باعىتى – ەڭبەك قاتىناستارىن رەتتەپ, مەملەكەت, جۇ­مىس بەرۋشى مەن جۇمىسشى اراسىندا الەۋ­مەتتىك ديالوگ قۇرۋدى نىعايتۋ. ءمي­نيستر­دىڭ ايتۋىنشا, بىلتىر جالاقى قارى­زى 3 ملرد تەڭگەنى قۇراعان. ەڭبەك ينس­پەك­تورلارىنىڭ ارالاسۋىمەن 25 مىڭ ەڭبەك­كەردىڭ ايلىق جالاقىسى وڭىنان شەشى­لگەن. ال بۇگىندە جالاقى قارىزى 2,2 ملرد تەڭگەنى قۇراپ وتىر.

ءۇشىنشى باعىت – الەۋمەتتىك قامسىز­داندىرۋ مەن الەۋمەتتىك كومەك ەكەنىن اتاپ ايتقان مينيستر بيىل 1 شىلدەدەن باس­تاپ, ءى توپ مۇگەدەكتەرىن بالا كەزدەن قاراپ وتىرعان تۇلعالارعا جاڭا جاردەماقى ءتۇرى بەرىلەتىنىن جەتكىزدى. بولجام بويىنشا, جاردەماقىنىڭ بۇل ءتۇرىن 14 مىڭداي وتباسى الاتىن بولادى. بۇگىندە زاڭداعى بۇل وزگەرىستەر پار­لامەنت ءماجىلىسىنىڭ قاراۋىندا جاتىر.

ءتورتىنشىسى – الەۋمەتتىك قىزمەتتەر جۇ­يەسىن دامىتۋ جانە بۇل قىزمەتتەر ءتۇ­رىن تسيفرلاندىرۋعا سايكەس ەلەكتروندى فور­ماتقا كوشىرۋ. ول ءۇشىن بىرىڭ­عاي اق­پا­رات­تىق جۇيە قۇرىلماق. قازىر­دىڭ وزىن­دە ەلى­مىزدىڭ ءتورت وڭىرىندە ەلەك­ترون­دى ەڭ­بەك بير­جاسى جۇمىس ىستەپ, وعان جۇمىسپەن قام­تۋعا قاتىستى 200 قىز­مەت قوسىل­عان. ەندى ەلەكتروندى ەڭبەك كەلى­سىم­­­دەرىن ەسەپ­كە الاتىن, ەڭبەك كىتاپ­شا­سىن ەلەك­­ترون­دى نۇسقاعا كوشىرەتىن «e-HR» جۇ­يەسى قاناتقاقتى جوبا رەتىندە ەنگىزىلمەك.

بايانداماسىن تۇيىندەگەن مينيستر وزدەرىنىڭ بارلىق قىزمەتى حالىقتىڭ الەۋمەتتىك جاعدايىن جاقسارتۋعا, تابىسىن ارتتىرۋعا باعىتتالاتىنىن اتاپ ءوتتى. سونداي-اق ەلباسى جولداۋىنداعى تاپسىرمالاردى ءتيىمدى, ساپالى جانە ءوز ۋاقىتىندا ورىنداۋعا بار كۇش-جىگەرىن سالاتىنىنا ۋادە ەتتى.

القا وتىرىسى وڭىرلەرگە ونلاين-ترانسلياتسيا ارقىلى كورسەتىلدى جانە وعان ۇكىمەت مۇشەلەرى, پارلامەنت دەپۋتاتتارى, ازاماتتىق قوعام ۇيىمدارىنىڭ وكىلدەرى قاتىستى.

قىمبات توقتامۇرات,

«ەگەمەن قازاقستان»